Skúladætur

Er ekki komin tími á að kaupa sér nýja glæsiflík???

2008-09-21T21:36:00.002+01:00

Já systir mín hún drífa er farin að sauma sig vitlausa og ekkert smá klár stelpan. Hún er búin að opna síðu þar sem hægt er að skoða hönnun hennar og kaupa ef ykkur líst vel á. Algjör skylda að kíkja á nýju síðuna..

Karlinn komin heim og voða gott að fá hann loksins. Nú ætti lífið að verða aðeins auðveldara, kannski maður fái smá hjálp með dæturnar. Hann fer í vinnuviðtal á morgun og vona ég að vinnutíminn sé ekki til 18.. Þá verður nú ekki mikil hjálp í gamla..

Unnum fyrsta leikinn í gær á móti Fylki mjög sannfærandi og vorum bara svakalega góðar. Nú er bara að halda áfram á sömu braut..

Ég verð aldrei einstæð móðir..

2008-08-31T22:49:00.002+01:00

Já einstæðar mæður eru hetjurnar mínar. Vá hvað ég dáist af þeim. Nú er ég búin að vera einstæð í tæpan mánuð og er gjörsamlega að bilast á þessu. Er búin að gera Viktori grein fyrir því að ef hann ætlar einhvern tímann að yfirgefa mig þá skal hann búa með mér þangað til ég finn mér annan. Það er auðvitað bara mjög sanngjarnt.

Allt komið á fullt hjá kellunni núna. Byrjuð að kenna 2.bekk í Hofsstaðaskóla í Garðabæ. Viktoría byrjuð í 3.bekk í sama skóla. Alexandra byrjuð hjá dagmömmu, flottustu dagmömmunni í bænum. Er þvílíkt ánægð með hana. Og svo er það auðvitað boltinn. Þetta verður líf og fjör þegar ég verð búin að endurheimta karlinn.

Einstæða móðirin kveður

Áfram Ísland..

2008-08-20T14:23:00.002+01:00

Þvílík snilld þessi leikur.. Og hvað með viðtalið við Óla Stef eftir leikinn? Bííp, bííp, bííp.. Þetta var mjög skondið að horfa á þetta..

Annars bara ömurlegt að vera einstæð móðir.. Sakna Vikkans míns. Tæpur mánuður í hann..

Áfram ísland

Halló halló.. Vantar einhverjum að leigja HÚS?

2008-07-22T20:43:00.002+01:00

Já kerlingin enn á lífi og aldeilis mikið búið að gerast síðan síðast.. Var svona eiginlega komin til Þýskalands en það breyttist snarlega og er ég á leiðinni til ÍSLANDS.. Veivei bara ánægð að vera búin að taka ákvörðun. Og ágætt að prufa að búa heima í smá tíma og sjá hvernig þetta er.

En þá er það mál málanna..

Ég þarf að leigja húsið mitt út og það væri auðvitað allra best að leigja það út til einhvers sem maður þekkir til.. Endilega ef þið vitið um einhvern sem er að fara að flytja til Árósa með fjölskyldu og þarf stórt hús með 4 svefnherbergjum þá bendið endilega á mig.. Ætla að leigja mublað þannig að það er nóg að koma bara með fötin sín.. Mjög mikill sendingarsparnaður þar.. E-mailið mitt er likað hér til hliðar á síðunni ef einhver vill spyrjast fyrir..

Nú skal ég fara að taka mig á í skrifunum, þetta gengur ekki..

Kveðja
Hrabba

Jæja jæja allt að gerast..

2008-06-13T17:55:00.002+01:00

Já kellingin komin heim aftur og boltinn farinn að rúlla.. Allt að gerast og nú þarf ég að fara að taka ákvörðun um næsta ár.. Er komin með mjög spennandi tilboð frá Þýskalandi og er að fara að kíkja á aðstæður á morgun með karlinum.. Verðum sótt í einkaflugvél á morgun og skilað aftur heim á sunnudaginn, já ef þetta er ekki veldi.. Það eru nú ekki margir sem hafa verið sóttir í einkaflugi..

Tengdó búin að vera hérna síðan á föstudaginn og fara á mánudaginn.. Þannig að þau lenda bara í barnapössuninni ekki eins og það sé eitthvað nýtt fyrir þeim..

Svo er bara Spánn eftir 9 daga með stórfjölskyldunni (nema Rebbu sem valdi Tyrkland fram yfir okkur).. Það verður nú eitthvað fjör og aldrei að vita nema ég taki nokkra klukkutíma á sólbekknum, það væri þá eitthvað nýtt..

Skal nú reyna að láta heyra frá mér eitthvað..

Kveðja
Hrabba

Keyrt á hund drottningarinnar..

2008-04-30T19:56:00.002+01:00

Já það eru aldeilis fréttir héðan frá Danaveldi en mun merkilegri fréttir eru þær að þetta er ekki í fyrsta sinn sem það er keyrt á hundinn hennar.. Nei nei þetta er í 3 skiptið sem það er keyrt á hundin/ana hennar.. Ætli hún hafi aldrei spurt sjálfa sig hvort að hún ætti bara yfir höfuð að eiga hund?? Og ekki nóg með það að þá stakk fyrsti hundurinn hennar af og kom aldrei aftur.. Hundurinn sem keyrt var á í gær er í mjög krítísku ástandi og ef hann lifir ekki af þá er þetta fjórði hundurinn sem hún missir... 3 af slysförum og einn sem stakk af.. Hundar nenna greinilega ekki að lifa neinu kóngalífi eða þá er hún bara svona rosalega leiðinleg og þeir hlaupa kannski bara viljandi fyrir bíl..

Allir annars í stuði.. Frí á morgun og föstudaginn í skólanum og vinnunni hjá Viktori.. Afmæli á morgun hjá Telmu sem þýðir hlaðborð hjá Hönnu Dóru nammi namm.. Og Viktor er að fara að töfra fyrir börnin og mun að sjálfsögðu slá í gegn..

Er dottinn í imbann.. Kiel - Nordhorn.. Nordhorn verður að vinna svo Flensborg geti orðið meistarar..

Hrabba

Sólin er komin og bekkurinn komin í notkun..

2008-04-21T22:57:00.002+01:00

Já tími Hrafnhildar er heldur betur komin.. Búið að vera geðveikt veður síðan á föstudaginn og er spáð áfram..

Daddi, Tinna og Emelía gistu hjá okkur alla helgina.. Alltaf jafn gaman að fá þau.. Daddi fór niður á hné og Tinna sagði já.. Hef séð það rómantískara þar sem Daddi gleymdi að biðja hennar þannig að þetta gilti ekki :-( Og Viktor meira að segja búin að semja texta og allt til að syngja í brúðkaupinu þeirra..

Er búin að vera rosalega dugleg að æfa undanfarið, fer í ræktina 6 sinnum í viku. Hljóp í gær til Hinnerup sem eru alveg 7 km (mikið fyrir mig).. Fór í morgun að lyfta og svo á æfingu áðan með Århus og spilaði svo æfingaleik á eftir með enska landsliðinu.. Það er mjög spes.. 3 í liðinu sem eru bara búnar að æfa í tæpa 4 mánuði.. Standa sig samt mjög vel miðað við það, sérstaklega markmaðurinn..

Förum svo til Köben á fimmtudaginn þar sem við munum hitta mömmu sem er í vinnuferð með Lóu frænku, Siggu frænku og Stínu stuðbolta.. Það verður æði að hitta þær og jafnvel að ég skelli mér á ball með þeim..

Já heldur betur mikið að gerast í lífi Hrafnhildar þessa daganna..

Bestu kveðjur úr sólinni

Hvenær hættir þetta????

2008-04-06T16:14:00.002+01:00

Úff greyið Viktor minn.. Það sem hann hefur ekki þurft að þola síðustu ár í hjónabandinu.. Ég hef misst þrisvar af flugi, gleymt tónleikamiðum á Robbie tónleika sem fattaðist fyrst eftir rúmlega 100km akstur þannig að það var mjög hressandi að þurfa að snúa við og sækja miðana.. Í gær tókst mér þetta enn og aftur, jújú.. Vorum að fara í silfurbrúðkaup til nágrannanna sem var haldið hérna rétt fyrir utan Århus.. En fyrst þurftum við að fara með stelpurnar í pössun til Ella og Erlu sem búa alveg í hinum enda bæjarins þannig að við erum að tala um lengra en Hafnarfjörður-Mosó.. Síðasta sem hann segir við mig áður en hann fer út úr dyrunum með Alexöndru; þú mannst svo eftir að taka skiptitöskuna.. Ég labba út í bíl 30 sekúndum seinna.. Svo þegar við komum til Ella og Erlu rúmum 20 mín seinna þá uppgötvast að sjálfsögðu að skiptitaskan er ekki með og rúmur hálftími í veislustart og við skulum alveg hafa það á hreinu að hérna mætir engin of seint.. Viktor greyið þurfti sem sagt að taka auka 40 mínútna rúnt til að ná í þessa blessuðu tösku (það eina sem mátti ekki gleymast).. Við mættum svo auðvitað of seint en sem betur fer ekki meira en 20 mínútum (ég var alveg búin að sjá það verra).. En samt við erum að tala um að þegar maður mætir svona síðastur hérna þá þarf maður að labba allan hringinn og heilsa öllum sem koma á undan okkur (sem voru allir).. Frekar pínlegt þar sem fólk sest ekki fyrr en allir eru komnir.. Þannig að ég mætti heldur betur með skottið á milli lappanna.. Og Viktor svona líka hress með Hröbbuna sína.. Segir bara alltaf: hvenær hættir þetta? Já ég er sko vel gift.. Vá hvað ég gæti ekki haft svona mikla þolinmæði ef þetta væri öfugt hahaha.. Ég sagði líka við hann að það er sko pottþétt að við eigum eftir að eiga silfurbrúðkaup fyrst hann er ekki búin að yfirgefa mig núna.. Já hann fékk nú líka mesta hrós sem ég hef gefið þegar ég sagði við hann að ég væri betur gift en hann haha..

En silfurbrúðkaupið var upplifun. Geðveikur matur og bara rosa gaman.. Ótrúlega sorglegt að við Íslendingar skulum ekki gera neitt úr þessum merkilega degi og sérstaklega núna þar sem að fleiri skilja en halda út.. Það verður sko annað brúðkaup hjá okkur.. Og við erum að tala um að herlegheitin byrjuðu á miðvikudaginn þar sem yfir 60 manns voru mætt fyrir utan hjá þeim klukkan 7 um morguninn (og já líka ég og Vikka) ásamt lúðrasveit til að syngja fyrir þau.. Svo var opið hús hjá þeim allan daginn.. Svo var veislan í gær og þar var 3ja rétta máltíð ásamt brúðartertu og auðvitað nætursnarli.. Það var sem sagt étið stanslaust í 7 klukkutíma.. Já Daninn kann þetta..

Annars er Hrabban bara enn gift og hress og kveður í bili ;-)

Komin tími á nokkrar línur..

2008-03-30T20:59:00.003+01:00

Já heldur betur komin tími á kelluna að skrifa nokkrar línur..

Áttum frábæra páska með Ernu, Robba, Daníel Mána og Ísól Kötlu. Þau voru hérna hjá okkur í viku um páskana og að sjálfsögðu var mikið spilað mér og Ernu til mikillar gleði enda unnum við strákana illa í Partners.. Og svona til að kóróna sigurvímuna þá tókum við þá 9-2 í fótboltaspilinu.. Ég er enn að berjast við að ná mér niður á jörðina aftur..

Alexandra stækkar og stækkar og er alltaf sama draumabarnið og líkist alltaf mömmu sinni meira og meira (finnst mér allavega).. Brúnu augun eru allavega komin á sinn stað mér til mikillar gleði..

Viktoría vara að keppa um helgina.. Skoraði 3 mörk og fékk medalíu. Mjög sátt við sig skvísan.. Þetta gengur alltaf betur og betur nema þegar barnið fer í mark.. Guð minn góður þá sit ég með hendur fyrir augun.. Hún er skelfilegur markmaður.. Kannski að maður láti Begguna taka hana á nokkrar aukaæfingar í sumar haha..

Svo var tíminn að breytast í dag.. Komin sumartími þannig að við erum tvo tíma á undan.. Það þýðir oft að mamma og pabbi hringja þá fyrst eftir miðnættið..

Erum dottin í Forbrydelsen.. Þvílík snilldarsería.. Farin að horfa..

Kveðja
Hrabba

Myndavélin mín er fundin.....

2008-03-11T12:24:00.002Z

Var svo kát og glöð í gær þegar ég fann myndavélina mína ofan í fínu stígvélunum mínum.. Hún er búin að vera týnd síðan á áramótunum og allar myndirnar frá skírninni, jólunum og áramótunum eru sem sagt komnar í leitirnar og inn á barnalandssíðuna..

Vorum hjá Dadda og Tinnu um helgina. Alltaf jafn yndislegt að vera hjá þeim og aldrei klikkar maturinn á þeim bænum.. Hefði verið hægt að rúlla mér heim frá Odense.. Ég var að keppa á laugardaginn í Köben og þurfti því að skreppa þangað.. Gengur bara vel að komast í form og spilaði næstum því 60 mín á lau. Verst hvað það er lítið eftir af tímabilinu.. 3 leikir og síðasti í lok mars..

Söknum Valnýjar okkar en hún flutti heim í lok febrúar.. En það styttist nú í hana aftur til Árósa þegar hún kemst inn í Arkitektarskólann.

Helgin framunda skipulögð (sko Hröbbuna).. Förum í mat, X-factor og spil til Hönnu D'oru og Andra á föstudaginn, páskabingó Íslendingafélagsins og mat til Jan og Lene á laugardaginn.. Svo er leikur á sunnudaginn.

Já og stórfrétt vikunnar er án efa að Drífa Skúladóttir er orðin Facebookari.. Þeir sem þekkja hana eru í sjokki.. Nú bíð ég bara eftir henni við pókerborðið..

Farin að gera eitthvað
Hrabba

Hann á afmæli í dag..

2008-03-06T14:18:00.002Z

Já enn eldist betri helmingurinn. Þessi elska orðin 31 árs.. Innilega til hamingju með afmælið elsku Viktor minn..

Annars bara lítið að gera, held að Alexandra sé búin að vera vakandi í 3 klukkutíma síðan 21 í gærkvöldi og nú er klukkan að verða 15.30.. Þetta barn er auðvitað bara snillingur.. Skil ekki að það skuli ekki vera búið að klóna mig og mín gen..

Yfir og út
Hrabba

Eigum við að ræða "vini" mína aðeins??

2008-02-22T16:00:00.003Z

Já þá sem eru að kveikja í Danmörku þessa dagana.. Búið að slökkva yfir 700 elda á viku.. Hvað er málið með þetta fólk? Og svo kemur það í fréttunum og er að klaga yfir því hvað löggan tekur hart á þeim.. Eins og það þýði eitthvað að biðja þau pent um að hætta.. "Elsku "vinur Hröbbu" værir þú kannski til í að hætta að kveikja í bílum nágranna þinna"? Eins og það sé eitthvað annað í stöðunni en lemja þetta fólk.. Nú ættu frændur okkar Danir að nota tækifærið og henda sem flestum úr landi (allavega þeim sem hægt er að henda út)..

Verð nú samt að segja að ég er engan vegin að skilja þessa fjölmiðlakalla að birta myndirnar aftur.. Þeir eru auðvitað bara að leggja fullt af saklausum lífum í hættu.. Maður bíður bara eftir fyrstu bombunni hérna.. Þeir vilja bara sýna það að það er tjáningarfrelsi í landinu en það er ekki eins og þetta lið eigi einhvern tímann eftir að fatta eða skilja það.. Og hver nennir í stríð við þetta fólk?? Þetta eru alveg mögnuð viðbrögð hjá fólki að eyðileggja bara fyrir næsta manni (búið að kveikja endalaust í bílum hérna) og þeirra trú byggist á fyrirgefningu.. Og svo er fólk alltaf að reyna að segja við mig að það séu svartir sauðir allstaðar (sammála því) en við erum að tala um aragrúa af svörtum sauðum.. Rosalega eru fáir sem hafa skilið þennan blessaða Kóran rétt.. Eins gott að hætta áður en ég skrifa of mikið..

Annars er Hrabban bara nokkuð hress.. Sef nóg, er mjög mikið heima og fer á æfingar þess á milli. Viktor minn vinnur út í eitt, held að hann sé komin með leið á mér allavega hljóta vinnufélagarnir að halda það.. Þeir geta mjög sjaldan unnið auka því þeir þurfa að vera með kærustunum á meðan tveggja barna faðirinn tekur allt auka..

Vikkan á að keppa á morgun í handbolta. Við ætlum svo að kíkja á Eibbuna og gista þar..

Hrabban kveður

Draumabarnið..

2008-02-20T13:05:00.003Z

Nýjar myndir af draumabarninu á www.viktoriadis.barnaland.is Vá hvað hún er lík mömmu sinni :-)

Nýr búningur, nýtt númer og búin að skora..

2008-02-15T15:42:00.002Z

já allt að gerast í boltanum.. Komin í bláan búning númer 21 og er byrjuð að skjóta.. Er samt aðallega í vörninni en er nýfarin að skjóta aftur eftir smá axlavesen.. Það fer vonandi að styttast í sóknarleikinn.. Gaman að vera komin í gang aftur og nú er bara að fara að geta eitthvað..

Alexandra er alveg að standa sig í svefninum.. Svaf í 13 tíma í nótt án þess að vakna á túttuna og 15 tíma nóttina á undan.. Veit ekki hvað er í gangi, kannski ný rútína..

Viktor er búin að vera með nýjan vinnufélaga tvær síðustu vikurnar, 15 ára dreng sem heitir Abbas og er aumingi.. Átti bara að vera í tvær vikur í praktík. Byrjaði fyrsta daginn á að koma klukkutíma of seint og svo er hann allavega búinn að vera fjarverandi tvo daga, einn daginn með hálsbólgu.. Hann var rekinn úr skólanum hérna og er í svartklædda drengjagenginu hérna í bænum sem samanstendur af mjög fáum dönum.. Þeir eru byrjaðir að brjótast inn í hús og er löggan einu sinni búinn að ná þeim.. Helv... pakk... Er að spá í að leggja allan minn metnað í að keyra þá niður hérna í miðbænum.. Þeir hlupu einmitt fyrir bílinn hjá okkur um daginn þegar Viktor var að keyra og viti menn hann hægði á sér. Sagði honum að hann myndi gera bænum mikinn greiða með því að gefa í.. Leiðinlegt að segja þetta en þetta eru bara glæpamenn framtíðarinnar..

Hanna systir og Hanna Sigga vinkona hennar komu í gærkvöldi.. Eru í þessum skrifuðu að versla sig vitlausar.. Enda ekki erfitt hérna í Århus. Spyrjið bara Eivor eða Elfu eða Steffí eða Daða..

Verð að fara að elda fyrir skvísurnar
Hrabban kveður

Poppstjarnan Viktoría..

2008-02-03T21:06:00.000Z

Þessi elska gekk í hús í tilefni Fastelavn (ösku og bolludagurinn hérna) og söng fyrir fólkið.. Hún safnaði saman 76 kr dönskum þessi elska sem eru auðvitað komnar í baukinn.. Hef aldrei séð svona flotta poppstjörnu..

Hvað gerðist???????????

2008-02-03T15:15:00.000Z

Spurning og gáta dagsins í boði Viktoríu.. Hvað haldiði að hafi gerst?

Fullt af nýjum myndum..

2008-01-24T23:36:00.000Z

Setti inn fullt af nýjum myndum inn á barnaland í gær.. Endilega kíkið við og kvittið.. Viktoríu finnst svo gaman að lesa gestabókina..
Kveðja
Hrabba

Fýlupúkar..

2008-01-23T12:34:00.000Z

Ótrúlegt hvað þetta handboltalandslið getur haft mikil áhrif á skap fjölskyldunnar.. Þegar staðan var orðin 6-0 í gær lak af okkur fýlan hérna í sófanum í gær. Vorum svo öll að koma til þegar þeir minnkuðu í 2 en svo var þetta bara búið.. Nú er bara að vona að þeir nái einhverjum stigum í riðlinum. Það þyrfti helst að vera í kvöld á móti Ungverjunum..

Ég er farin að hreyfast aðeins hraðar í boltanum, búin að finta nokkrar sem eru miklar framfarir.. Þjálfarinn vill endilega fara að nota mig sem allra fyrst sem ég er ekki alveg að skilja en ætli maður fari ekki að koma pappírunum í lag.. Ég get allavega byrjað á því að standa í vörninni..

Alexandra er alltaf söm við sig.. Við mæðgur sofum til hádegis alla daga..

Viktoría er alltaf jafn góð stóra systir.. Er alveg að fíla þetta hlutverk.. Hún er alveg að verða fullorðinn þessi elska..

Farin að sinna prinsessunum mínum
Hrabba

Fyrsta æfingin með nýju liði.. Fæturnir frekar óhressir...

2008-01-17T22:16:00.000Z

Já það er ekki mikið eftir í fótunum á mér núna.. Jesús minn hvað þetta var erfitt og vá hvað það er leiðinlegt að vera ekki fljótari en raunin er en það kemur vonandi fljótt.. Ætla að æfa með Hadsten næstu vikurnar og sjá hvort að ég komist í nógu gott form til að geta hjálpað þeim eitthvað aðeins.. Liðið er í 1 deild og er í fallsæti núna en það er bara 10 mínútur héðan þannig að það hentar rosa vel.. En ég er búin að finna nýjasta idolið mitt.. Já það er ein í liðinu 45 ára og hún er í besta forminu, þvílíkur snillingur.. Á þrjú börn og það yngsta 17 ára.. Ég ætla að verða eins og hún..

Alexandra eða Sandra svefnpurka eins og hún er kölluð þessa dagana heldur áfram að sofa eins og engill.. Ég vakna bara eins og Dolly Parton á morgnana með kútana uppblásna (eins gott að njóta þess á meðan það varir haha)..

Leiðinlegt hvernig fór með boltann áðan:-( Nenni ekki að ræða það neitt meir.. Þeir taka þetta á morgun..

Farin að teygja á..
Hrabba

Einn dagur í EM..

2008-01-16T15:41:00.000Z

Já það verður líf og fjör fyrir framan imbann á næstu dögum og vonandi að strákarnir standi sig vel..

Annars er lífið voða auðvelt þessa daganna.. Sandra svefnpurka sér til þess. Blessað barnið er búið að sofa í 7-9 tíma streit síðustu nætur en þá vaknar hún og fær sér að drekka og fer svo strax að sofa aftur.. Ég fór á fætur í dag klukkan 13, mjög eðlilegt bara..

Viktoría skvís er alltaf söm við sig.. Var sett fram á gang í skólanum vegna þess að hún truflaði svo mikið.. Svo kom hún heim og pissaði á gólfið vegna þess að hún gleymdi að lyfta upp setunni, bara ekkert utan við sig.. Skil ekki hvaðan hún hefur þetta haha..

Valný er komin aftur til okkar og auðvitað mikil kátína með það.. Hún verður hjá okkur út febrúar. Svo er Svalan að koma á morgun og verður hjá okkur í nokkra daga þannig að það verður skemmtilegt í kotinu á næstu dögum.

Látum þetta vera gott í bili
Hrabba

Ég á 7 ára gamalt barn..

2008-01-11T15:51:00.000Z

Já tíminn er heldur betur fljótur að líða, það styttist óðum í fermingu.. Eftir að hafa haldið fyrstu afmælisveisluna á Íslandi í 6 ár sem var 45 manna veisla þá var komið að öðrum í afmæli sem var haldið í dag fyrir stelpurnar í bekknum. Og viti menn mín fékk maskara, augnskugga og glimmergloss.. Ég sem var búin að segja við hana að maður byrjaði ekki að nota maskara fyrr en fyrsta lagi 13 ára.. Það er sem sagt búið, mín er núna stífmáluð fyrir allan peninginn..

Alltof langt síðan ég hef skrifað.. Ísland um jólin var æði, tvær heilar vikur og náðum við að hitta næstum alla.. Langt síðan ég hef fengið svona langt jólafrí..

Alexandra er alveg í essinu sínu.. Sefur eins og engill og þá sérstaklega á næturnar sem hentar mömmunni alveg ótrúlega vel.. Hins vegar er hún truflari dauðans þegar kemur að pabbanum.. Ef hann ætlar að leggja sig er alveg pottþétt að hún sé ekki að fara að sofa.

Svo er kellan farin að æfa.. Mætti á fyrstu æfinguna á mánudaginn, var eins og barn að bíða eftir að komast í tívolí ég hlakkaði svo til.. Hausin svolítið langt á undan fótunum en vonandi kemur þetta fljótt..

Kveð í bili og ætla nú að koma sterkari inn í blogginu
Hrabba

Falleg eða???

2008-01-09T22:40:00.000Z

Loksins komnar fleiri myndir..

2007-12-03T23:33:00.000Z

Já Hrabban að vakna til lífsins aftur.. Fórum í dag til læknisins í viku skoðun og var prinsessan alveg jafn þung og þegar hún fæddist sem er nú mjög gott.. Hún er algjör draumur og sefur eins og engill..

Við bíðum svo spennt eftir næstu helgi en þá förum við í afmæli á laugardeginum og svo í jólahlaðborð til Flensborgar á sunnudeginum.. Aldrei að vita nema maður leggi íþróttabuxurnar til hliðar þá.. Búin að vera eins og drusla til fara núna í viku...

Setti svo inn nýjar myndir á barnaland áðan.. Endilega kíkið við..

Farin í háttinn
Hrabba

Allt að komast í gott stand..

2007-11-30T22:44:00.000Z

Já smá pása búin að vera hér.. Kom pínu bakslag á þriðjudaginn þar sem móðirin ég fékk 40 stiga hita og þurfti að fara á spítalann í rannsókn.. Eins og alltaf þegar ég á í hlut þá var auðvitað ekkert eðlilegt að mér og læknirinn klóraði sér bara í hausnum og skildi ekkert.. Það hlaut að vera einhver ástæða fyrir þessum háa hita og lét hann mig á pensilínkúr sem er nú svolítið skrítið en hjálpaði mér mjög fljótlega.. Ég er alveg að verða hin hressasta.. Það er nú auðvitað fyrir öllu að litla prinsessan sé spræk og það er hún.. Sefur eins og engill og er orðin voða dugleg að drekka..

Nú tekur bara við róleg helgi.. Mamma að fara á morgun sem er nú ekki alveg nógu gott þegar maður fær enga þjónustu hérna.. Ljósmæðurnar forðast okkur eins og heitann eldinn.. Við vorum einmitt að spá í hvenær hún yrði nú vigtuð og skoðuð næst.. Við erum allavega ekki búin að fá að vita neitt.. Það var sko eins gott að múttan mín kom til mín.. Hennar verður sárt saknað en maður verður víst að senda hana heim fyrir næsta "sauð"burð..

Jæja neyðin kallar..
Hrebs

Mynd dagsins..

2007-11-26T23:27:00.000Z

SVO SÆT..................

Komin heim í kotið..

2007-11-26T10:15:00.000Z

Já brauðið svínvirkaði og við vorum ekkert smá vinsæl að koma með heitt brauð handa ljósmæðrunum.. Rétt náðum að taka það út úr ofninum áður en við fórum upp á fæðingardeild. Allir voða kátir og hressir og prinsessa nr.2 var 16 og hálf mörk og 56cm..

Hendi inn fleiri myndum á barnalandssíðuna hennar Vikku stóru systur sem er að springa..

sms frá Hröbbu

2007-11-26T05:24:00.000Z

Yndisleg prinsessa ákvað loks að láta sjá sig kl. 05.03. Allir hressir og kátir. Stærð og þyngd fylgir seinna.

Innilega til hamingju elsku fjölskylda, ég læt þá staðar numið á þessu bloggi.

Kv.
Arna

Farin á spítalann

2007-11-26T00:41:00.000Z

Var rétt í þessu að fá fréttir að þau eru lögð af stað á spítalann, 2-3 min á milli verkja, spennandi.....

Enn rólegheit

2007-11-25T22:30:00.000Z

Enn er allt í rólegheitunum, hríðarnar duttu aðeins niður meðan Hrabba ætlaði að horfa á sjónvarpið en viti menn hún deyr ekki ráðalaus. Hún dreif sig þá bara í því að skella í eitt brauð, gulrótarbrauð með sólkjarnafræjum, svo við séum svolítið nákvæm í þessu. Það væri nefnilega svo voða gott að fá nýbakað brauð þegar maður kemur heim af fæðingardeildinni á morgun, sem er bara mjög eðlilegt og flestir að hugsa svoleiðis.... En það fór þá aðeins í gang aftur svo hún segist fara uppeftir í nótt. Sjáum hvað gerist.

Kv
Arna

Jæja jæja, loksins eitthvað að gerast!!!!!

2007-11-25T18:35:00.000Z

Nú fer að styttast í krílið, Hrabba er komin með hríðar, 5-7 min á milli og styttist í að lagt verði í hann á fæðingardeildina, skv Viktori.
Nú er bara að vona að þetta gangi fljótt og vel fyrir sig.

Kem með glóðheitar fréttir um leið og þær berast.

Kv.
Arna

Já það er erfitt að vera Íslendingur í Danmörku þegar fótboltalandsliðið er annars vegar..

2007-11-21T23:35:00.000Z

Já hann var heldur betur bjartsýnn hjá mér karlinn fyrir leikinn sem ég skil nú alls ekki.. Sé mjög mikið eftir því að hafa ekki tippað á leikinn sem ég var sannfærð um að myndi fara 3-0 fyrir Dönum.. Og þið sem eruð að reyna að drulla yfir Eið Smára og að það sé miklu betra fyrir landsliðið að vera án hans (vá hvað fólk getur verið vitlaust) þá kom skemmtileg statistik fram fyrir leikinn í danska sjónvarpinu sem segir að landsliðið hefur ekki unnið leik án hans í 7 ár.. Hahahaha...

Já svona litu menn út eftir leikinn nema ég... LENGI LIFI HANDBOLTINN... Sá tími kemur að fólk fari að átta sig...

Illt í rófunni..

2007-11-19T23:37:00.000Z

Já frekar lítið að gerast fyrir utan að vera með verki í rófubeininu.. Núna hlýtur eitthvað að fara að gerast.. Takk fyrir alla hlýju strauman sem þið eruð búin að senda og ég efast ekki um að þeir fari að gera gagn.. Mútta kemur á morgun og þá er endanlega allt klárt..

Viktorían mín var send veik heim úr skólanum í dag.. Þriðja skiptið á rúmum mánuði sem hún er veik.. Veit ekki alveg hvað er að gerast.. Þannig að við lögðum okkur saman í hádeginu og vorum að hugga okkur saman í dag.. Svo sem fínt að hafa hana hjá sér þegar ég er hvort eð er ekki að gera neitt.. Er annars að tapa mér í gerbakstri þessa dagana.. Eftir að Kitchen Aidin gafst upp á mér ákvað ég að verða góð í gerbakstri og eru framförin þvílík að annað eins hefur sjaldan sést.. Viktor minn getur staðfest það þar sem hann hefur alltaf verið látinn gera pizzudeigið þar sem mér tókst einhvern veginn alltaf að klikka á deigi, meira að segja kanilsnúðum.. En það þurfti bara að drepa gullið svo ég gæti farið að snúa mér að einhverju öðru.. Það er nú líka engin spurning að ég hef svo sem alltaf verið meira fyrir sykurbomburnar en gerbakstur og því kannski einbeitingin verið þar.. Já þannig að núna er eldhúsið fullt af einhverjum pylsuhornum og pizzusnúðum (tók Danann á þetta)..

Jæja farin að hvíla rófuna
Hrabba bakari (Árni minn þú þarft að fara að passa þig eða kannski bara láta mig fá nýjar uppskriftir)..

Þolinmóða Hrabban lítur svona út í dag..

2007-11-18T00:33:00.000Z

Dagurinn kominn, en ekkert að gerast!!!

2007-11-17T21:23:00.000Z

Jæja er ekki kominn tími fyrir fréttaritarann að setja inn smá fréttir....

Þá er settur dagur að kvöldi kominn og ekki lætur krílið sjá sig. Eftir að hafa spjallað við verðandi foreldra hef ég fengið þær upplýsingar að ekkert sé í gangi. Hrabba er búin að vera á fullu í dag að skúra, skrúbba og bóna og húsið orðið tipp topp en ekki bólar á barninu. Í örvæntingu sinni hefur hún meira að segja tekið upp á því að taka nokkur dansspor með Viktoríu í von um að þetta skjótist út, en allt kemur fyrir ekki. Viktor er samt alveg sáttur við smá bið þar sem Hrabba er alveg til í að prufa öll trixin í bókinni til að koma barninu út og eitt trixið er afar hentugt fyrir Viktor....

Kem annars með glóðvolgar fréttir ef eitthvað gerist.

Kveðja
Arna

Enn í fullu fjöri..

2007-11-15T23:05:00.000Z

Já líður bara rosa vel ennþá og óþolinmæðin aðeins farin að segja til sín.. Því fyrr því betra ef ég ætla ekki að skjóta úr mér 20 marka krakka.. Ég hef trú á að þetta fari að koma..

Já Arnan að standa sig eftir smá diss frá Ernu másu.. Hún þurfti bara smá spark haha.. Hefði nú bara verið mest töff að gera þetta sjálf.. "Heyrðu ljósa ég þarf aðeins að skjóta inn einni bloggfærslu áður en ég byrja að rembast".. En það væri nú varla tími til að bíða eftir því miðað við hvað það liggur á að sparka mér þaðan út.. Já það er pressa á Örnunni að slá út fyrri bloggfæðingu haha eins og það sé nú hægt.. Og það besta við síðustu var auðvitað að Daggan vissi ekkert um þetta.. Spurði svo bara hvort ég væri eitthvað geðveik þegar hún komst að þessu.. En hún hlær nú að þessu í dag.. Já bara ef ég væri nú jafn athyglissjúk og Daggan hahaha..

Viktoría er hætt í skóladagvistuninni og verður bara heima með mömmu sinn restina af vetrinum.. Tók ekki þátt í þessu lengur að láta bæinn ræna mig fyrir að passa barnið mitt í nokkra klukkutíma á viku og gefa henni ekki einu sinni að borða.. Bærinn ætti nú frekar að borga mér fyrir að fá að hafa þennan snilling þarna hjá sér.. En það verður nú nóg að gera að mæta á allar íþróttaæfingarnar og vera mamma nr.2..

Já farin að lúlla og vonandi vakna ég bara með verki eins og síðast..
Hrebsin kveður

Mætt til leiks

2007-11-13T23:19:00.000Z

Jæja þá er ég mætt til leiks, bara svona svo enginn fari að dissa mig og segja að ég sé ekki að standa mig í þessum fréttaflutningum.

Eftir að hafa rætt við Hröbbu þá er ég komin með nýjustu fréttir:
Líðan verðandi móður er eftir atvikum og í síðustu skoðun, sem var á föstudaginn, var barnið orðið 4 kg, búið að skorða sig og blóðþrýstingurinn fínn, eða 120/80, eggjahvítan er í fínu lagi og pissið hreint og fínt. Það er kominn dagur á gangsetningu ef ekkert gerist fyrir þann tíma en það er 29. nóv, en vonandi þurfum við ekki að bíða svo lengi, ég verð örugglega bara búin að eiga sjálf þá!!!

Það er sem sagt allt í góðu standi þarna hjá þeim, búið að fara að versla þessar helstu nauðsynjar og nú er bara að bíða eftir frekari fréttum, en ég er amk að standa mig í þessu.....

Kveðja
Arna

Gáfnaljósið hún Viktoría..

2007-11-12T20:23:00.000Z

Já hún er svo gáfuð þessi elska að hún þarf ekki einu sinni að vera vakandi í skólanum.. Fórum á foreldrafund á miðvikudaginn og þar var nú svo sem fátt sem kom okkur á óvart.. Barnið talar auðvitað alltof mikið (enda dóttir Viktors) og svo dettur hún mjög oft úr sambandi og situr bara í sínum eigin heimi (já hvaðan ætli hún hafi það??) Dönskukennarinn var alveg komin á það að þetta væri bara útaf því að hún skildi ekki nóg og þetta væri bara örugglega aðeins of erfitt fyrir hana.. En mín kom honum nú heldur betur á óvart með því að dúxa bara í þessu dönskuprófi og hann alveg hissa á því hvað hún skildi nú bara allt og var ein af örfáum sem var með allt rétt í erfiðasta hlutanum.. Já það er stundum erfitt að vera svona klár..

Haldiði ekki að ég hafi loksins ákveðið að gera klárt fyrir krílið.. Fór í dag og keypti bílstól, sæng, kodda, dýnu á skiptiborðið, bleyjur og svona það helsta sem maður þarf að hafa klárt.. Mjög eðlilegt að gera þetta fyrst núna, 5 dögum fyrir settan dag.. Karlinum í búðinni fannst ég líka frekar róleg í þessu öllu saman en honum tókst auðvitað að selja mér flottasta og dýrasta stólinn í búðinni.. Nú er ég sem sagt klár og þetta má bara fara að gerast.. Nenni ekki einu sinna að bíða eftir múttu þó það væri nú betra að hafa hana..

Helstu fréttirnar af klakanum eru þær að Herra Skúli er hættur að drekka og reykja (í dag) og er byrjaður að senda SMS.. Já pabbi þá er það orðið opinbert og ég veit að það eru mjög margir sem hafa rosa mikla trú á þér...

Hrebs kveður í bili og já Arna mín þú ert ráðin....

Varð að breyta..

2007-11-08T07:23:00.000Z

Já þurfti að breyta lykilorðinu á barnalandssíðuna hennar Viktoríu fyrir Danina því að ó-ið var ekki alveg að gera sig.. Það er samt sama lykilorð bara o í stað ó..

Annars ekki mikið að gerast hérna.. Jú nema það að nú er kosningabaráttan komin á fullt.. Hér eru skilti um allan bæ sem er mjög áhugavert því á þeim öllum stendur annaðhvort Hueseym eða Benomabad (eða eitthvað líkt).. Hljómar mjög danskt eða hvað. Svona verður þetta á Íslandi eftir nokkur ár.. Þá verður valið á milli Pavlu eða Bogdans.. Mjög spes. Svo er ein kella í Köben að gera alla vitlausa haha.. Við erum að tala um að daman er ég í þriðja veldi og lætur allt út úr sér og allt prentað í blöðin.. Ég myndi ekkert sofa róleg ef ég væri hún.. Hún er alveg á því að senda fullt af fólki út á eyðieyju og láta það dúsa þar, eiga ekkert betra skilið.. Það verður að gaman að sjá hvar hún endar í kosningunum sérstaklega þar sem Dönum finnst þeir alls ekki rasistar.. Það er allavega klárt að þeir sem eru ekki Danir eru ekki að fara að kjósa hana..

Jæja best að fara að gera ekki neitt
Hrebs

Styttist í þetta....

2007-11-06T09:18:00.000Z

Já aðeins 11 dagar í settan dag og pant ekki fara fram yfir.. Búin að sofa nóg fyrir árið undanfarið þannig að ég er sko tilbúin í að fara að vaka svolítið með grísling nr.2.. Viktoría auðvitað mjög spennt og telur niður og er pottþétt á því að krílið komi þann 17.nóv. Annars nóg að gera hjá Dísinni sem vil byrja í badminton núna.. Ætlar að prófa það á fimmtudaginn en þá er líka dans og sund beint á eftir.. Ágætt að hún hafi eitthvað að gera þessi elska..

Facebook er að koma sterkt inn núna þegar maður hefur ekkert að gera á daginn.. Ákvað að gefa mig að lokum og prófa þetta.. Ætlaði sko ekki að byrja í þessu eða myspace ruglinu en þar sem ég hef nú ekki mikið annað við tímann að gera þá ákvað ég að gefa eftir.. Fólk er líka aldeilis að týnast inn á þetta og alltaf gaman að grafa upp einhverja sem maður hefur ekki séð eða heyrt í lengi lengi.. Endilega tékkið á þessu.. Tekur engan tíma að fá sér svona og svo kemur þetta bara að sjálfu sér.. Bara fara inn á www.facebook.com , skrá sig og svo skal ég senda ykkur eitthvað skemmtilegt..

Jæja klukkan að verða 12 að hádegi sem þýðir tími til að fara að lúlla..
Hrabba

03.07.04 - 18.10.07

2007-10-30T21:27:00.000Z

Já haldið ykkur fast.... Mín ástkæra Kitchen Aid er látinn aðeins rúmlega 3ja ára.. Þetta er tæki með mikla sál sem hefur þjónað mér ótrúlega vel á þessum stutta tíma og er sárt saknað.. Búin að vera miður mín síðustu daga, enda ótrúlega mikill missir.. Já segir kannski ótrúlega mikið um notkunina að tæki sem aldrei á að bila skuli bara deyja hjá mér eftir svo skamman tíma.. Minningarathöfn fer fram á laugardaginn kl.16 en þeir sem ekki sjá sér fært um að mæta geta vottað samúð.. Blóm og kransar eru vinsamlegast afþakkaðir..

Versta músíkmyndband EVER...

2007-10-25T08:28:00.000+01:00

Auðvitað var það hún Tinna sem fann þetta og er komin með öll múvin á hreint.. Trúi ekki öðru en Kiddinn verði með þetta klárt á jólahlaðborðinu sínu sem hann er btw ekki búinn að bjóða mér á.. Tékkið á þessu..

Kasólett hoppandi gluggaþvottakerling..

2007-10-22T21:33:00.000+01:00

Já það er ég.. Fór út í dag að þvo gluggana og glugginn hennar Viktoríu er aðeins of hár fyrir mig þannig að ég var eins og fífl hoppandi hvalur með gluggaþvottagræjurnar á lofti.. Það hefðu nú örugglega einhverjir viljað vera vitni af þessu.. Mjög eðlileg alltaf..

Daði og Abbý komu til okkar á miðvikudaginn og voru hérna í tvo daga.. Þeim tókst að eyða meira í föt á 8 klukkutímum en ég hef eytt síðustu 2 ár.. Og svo skilur maður ekkert í því að bankabókin hans Daða sé ekki einu sinni til.. Óska eftir að Johnny Magg fari að taka að sér fjármálin hans Dadda.. En eftir að hafa eytt öllum peningunum sínum í Århus þá fórum við öll til Flensborgar og höfðum það rosa fínt þar. Ég gisti hjá Eibbunni minni á meðan Daddinn var hjá Einsanum.. En við tókum auðvitað eitt gott spilakvöld þar sem við stelpurnar rústuðum strákunum.. Alltaf jafn leiðinlegt að vinna svona stelpur á móti strákum.. Sáum svo mjög spennandi leik þar sem Flensborg tapaði fyrsta leiknum sínum í vetur.. Ekki nógu gott það og ég mjög ósátt við þjálfann.. Lætur bara einhvern örvhentan aumingja standa í vörn sem er alls ekki að nenna því á meðan sinnepið Alex er bara hafður í horninu í stað þess að slátra þessum gæjum.. Hefðu komið í veg fyrir allavega 6 mörk í leiknum..
Ungviðurinn fór svo auðvitað að djamma á laugardagskvöldinu en Daði náði þó að kenna Eibbunni einhvern dans áður og taka nokkur vel valinn stökk út í garði, mjög eðlilegur..

Kiddi svona fyrir þig svo þú hafir eitthvað að gera þá verðurðu að kíkja á þetta.. Maðurinn er algjör snillingur, þú verður að kíkja á allt stöffið hans.. Þetta hefurðu örugglega heyrt áður, þekktasta lagið hans..

Annars er biðin bara tekin við núna.. Rúmar þrjár vikur eftir og ég auðvitað ekki að gera neitt.. Nú þarf ég reyndar að fara að gera eitthvað klárt.. Ég auðvitað alltaf jafn stressuð með allt, einmitt..

Kveð að sinni..
Hrebs

Hanna Lóa 21 árs

2007-10-13T17:13:00.000+01:00

Til hamingju með afmælið elsku Hanna systir.. Skvísan er 21 árs í dag..

Stórt knús frá okkur í Dene

P.S Fannst tilvalið að skella inn mynd frá fermingardeginum..

Allt að gerast á barnalandssíðunni...

2007-10-13T01:44:00.000+01:00

Er búin að hlaða inn alveg haug af myndum á síðuna hennar Viktoríu ef einhver hefur áhuga á að kíkja hér... Ég breytti lykilorðinu svo að ég gæti haft auðvelt hint fyrir þá sem þekkja okkur.. Það er sem sagt millinafnið mitt.. Ætla svo að dunda mér við að skrifa undir myndirnar um helgina á meðan húsbóndinn ætlar að vinnu úr sér allt vit.. Ágætt að einhver geri eitthvað í þessari fjölskyldu...
Kveðja
Hrabba

5 vikur eftir..........

2007-10-11T22:13:00.000+01:00

Pínu tussuleg en eins og þið vitið er ég nú oftast voða vel til höfð..

Erfitt að gera ekki neitt..

2007-10-10T15:11:00.000+01:00

Já það er orðið áhyggjuefni þegar manni er farið að hlakka til að fara út í búð að versla í matinn.. Og svo enn glaðari þegar að Jóga frænka sendi mér sms hvort að ég væri heima á sunnudaginn því að hún ætti afmæli og nennti ekki að hanga á vistinni (hún er í íþróttaháskólanum hérna).. Þannig að ég varð auðvitað rosa kát að geta haft afmæliskaffi fyrir skvísuna því þá er komið eitthvað á dagskránna fyrir næstu 4 daga.. En annars er Daði bróðir og Abbý að koma á miðvikudaginn næsta þannig að þá verður eitthvað að gera í að hafa fyrir gestunum.. Við förum svo öll til Flensborgar á föstudaginn og verðum alla helgina..

Er sem sagt aðallega í því að sofa þessa dagana og lesa á meðan Viktoría er í skólanum.. Gengur voða vel í því eins og alltaf.. Er svo mikið að spá í að eiga bara fyrir tímann, þetta er að verða komið gott.. Örugglega álíka miklar líkur á því og að ég fengi tvíbura..

Vikkan er að gera gott mót þessa dagana.. Er auðvitað enn að blómstra í dansinum.. Kennarinn svo ánægð með hana og spurði mig meira að segja hvort að ég væri dansari.. Svo mikill taktur í skvísunni.. Þetta er nú eitthvað annað en handboltinn en hún fékk einmitt boltann í augað á síðustu æfingu, ekki alveg sátt með það..

Lofa svo að henda inn á bumbumynd á allra næstu dögum.. Er alltaf að reyna að fá Viktor til að taka mynd af mér en held að hann sé farinn að skammast sín fyrir Þ-ið.. Skil það ekki þar sem ég er nú en í 50 kílóunum.. SVO NETT...

En ég get nú ekki sagt að ég sé búin að hanga heima síðasta mánuðinn.. Fór til Köben langa helgi um daginn og svo til Flensborgar líka langa helgi fyrir rúmri viku og síðan á laugardaginn fór ég til hennar Tinnu minnar í Odense en hún var að halda upp á 28 ára afmælið sitt.. Hélt stelpu kokteilpartý þannig að ef ég væri ekki hvalur núna hefði ég pottþétt tekið út annað af tveimur skiptum á ári til að skvetta í mig.. Svo var líka fjólublátt þema og var afmælisdrottningin auðvitað lang flottust (og auðvitað þú Steffí mín).. Myndin efst átti að vera hér fyrir neðan...

Um helgina neyðist ég til að vera heima og passa fyrir Viktor sem er að fara að vinna, allavega á laugardeginum.. Á sunnudaginn fer Viktoría svo í handboltaskóla allan daginn.. Spurning um að senda hana með hlífðargleraugu?

Hætt að bulla og farin að elda...
Hrabban

Arna og Steffí... Loksins loksins..

2007-10-02T21:30:00.000+01:00

Lars Christiansen lét mig ekki í friði.....

Alex "aðalhetjan" gat nú lítið reynt við mig þar sem kerlingin hans er ekkert smá

uppáþrengjandi.. Var allsstaðar þar sem við vorum....

Þessi gæji á örugglega meiri en 1000 fleiri meiðsladaga en ég.. Einar á ekki breik í þennan hvað varðar óheppni..

Og svo maðurinn sem ég varð að fá mynd af.. Það er auðvitað grín hvað maðurinn er lítill.. Drífa systir er risa miðjumaður í samanburði við hann..

Komin heim frá Flens..

2007-09-30T20:47:00.000+01:00

Já Eibban mín náði bara í hvalinn á fimmtudaginn þar sem við vorum orðin bíllaus.. Fór á Flensborg-Ciudad Real í CL.. Gaman að fara á svona leik og frábær stemning, hefði bara mátt vera aðeins meira spennandi og svo hvarf stemningin alveg hjá okkur þegar Einar meiddist.. Sem betur fer var það ekki eins slæmt og það leit út fyrir í fyrstu.. Hugguðum okkur svo alla helgina og fórum í sund og leifðum strumpunum að leika sér.. Sumir sváfu alltaf lengur en aðrir, auðvitað ég... Viktor kom svo í gær á nýja bílnum okkar sem við vorum að kaupa, reynda notaður en fínasti bíll.. Hann fékk að sofa eina nótt í Flens og svo fórum við heim eftir að hafa séð Flensborg vinna Hamborg í toppslag deildarinnar..

Næsta helgi er það svo Óðinsvé þar sem Tinna er búin að bjóða í stelpupartý.. Hvalurinn þarf nú að nýta helgarnar vel áður en skyldan kallar..

Verð nú svo að henda nokkrum myndum af mér og öllum þessu frægu inn á síðuna.. Vá hvað Arna á eftir að öfunda mig...

Hvalurinn kveður

Hver er maðurinn/konan???

2007-09-26T22:28:00.000+01:00

Talandi um að myndast vel.. Er að spá í að fara með þessa niður í búð (japan photo).. Ef að þessi mynd selur ekki myndavélar.....................

En hver er fyrirsætan???

Hvalurinn og Hnísan..

2007-09-25T23:45:00.000+01:00

Já ég er enn meðal manna og gott betur.. Hefur sjaldan farið meira fyrir mér en nú.. Er búin að stækka um helming á tveimur vikum þannig að meira að segja brjóstin eru farin að falla í skuggan... Kannski ekki alveg samt.. En ég lofa myndum mjög fljótlega..

Um helgina fór ég til Köben í frúarferð þar sem hún Arnan mín var mætt og gistum við hjá henni Stefaníu okkar.. Það var að sjálfsögðu farið með okkur eins og drottningar og Arna alveg á toppnum eftir að hafa séð mig því hún var búin að tala um sig sem Hvalinn því hún væri komin með svo rosalega bumbu.. Svo sá hún mig og eftir það var ég auðvitað bara Hvalurinn og hún Hnísan (einhver lítil hákarlategund fyrir þá þá sem vita lítið um dýr eins og ég)... En við áttum frábæra helgi og hugguðum okkur vægast sagt alla helgina, vá hvað við vorum latar og það sem meira var þá er ég búin að finna eina manneskju sem er lélegri búðarrápskona en ÉG.. Já til hamingju Arna það á enginn eftir að slá þig út.. Óskar er ekkert smá heppin að eiga konu sem er svona svakalega ódýr í rekstri.. Það væru nú margir orðnir mjög ríkir að vera giftir henni Örnu.. Greinilega ekkert alltof há þjálfaralaunin þarna hjá Val.. Ekki einu sinni Range Rover í innkeyrslunni hjá þeim.. Hann þarf að fara að fá sér alvöru umba enda þjálfari ársins þar á ferð (Arna talaði nú ekki um annað alla helgina, alveg stoltasta unnastan þar á ferð).. En elsku Steffí mín þúsund þakkir fyrir að hýsa okkur vitleysingana og takk fyrir frábæra helgi.. Og Arna það var miklu betra að skjóta fætinum upp á þig en Viktor..

Svo er verið að vinna í barnalandssíðu fyrir Dísina.. Er að vinna hægt og rólega í henni en þetta kemur.. Viktoría ætlar sjálf að skrifa í vefdagbókina en ekki búast við neitt löngum færslum.. Hún skrifaði einmitt eina í dag.. Lykilorðið á síðuna er Perla fyrir ykkur sem nennið að byrja að skoða núna..

Farin að sofa
Hvalurinn

Vikka dansari..

2007-09-08T20:29:00.000+01:00

Já Viktorían mín byrjuð í dansi og ekkert smá sátt.. Sló í gegn á fyrstu æfingunni og kennarinn sagði að hún væri búin að vera best "í dag".. Þið getið rétt ímyndað ykkur hvað mín uppveðraðist við það.. Var extra einbeitt það sem eftir lifði æfingarinnar og mjaðmahnikkirnir ýktust um helming.. Þetta verður það sem koma skal..

Annars er líðan eftir atvikum góð hjá feitu konunni.. Gengur vel að stækka og brjóstin eru bara alls ekkert að minnka.. Trúið mér.. Þetta fer að verða vandamál.. Er samt mikið öfunduð af handboltastelpunum sem eru ekki með stærstu kútana.. Þær geta ekki beðið eftir að verða óléttar og fá risa brjóst.. Er ekki alveg að skilja þær sem þyngjast bara um einhver 7-8 kíló á meðgöngunni... Það eru örugglega næstum 3 bara í brjóstunum..

Dekrið um daginn var æðislegt.. Var nudduð frá toppi til táar, fór í bað og fékk ferska ávexti og ekki má gleyma maskanum á bumbuna..

Nú ætla ég að athuga hvort ég geti horft á fyrstu 10 mínúturnar af landsleik Íslendinga og Spánar.. Finnst fátt leiðinlegra en horfa á þá spila.. Nánast hverfandi líkur á að þeir skori (vonandi þarf ég að éta það ofan í mig)... Er að spá í að telja sendingarnar áður en þeir missa boltann.. Metið er örugglega ekki meira en 7.. Þetta er alvarlegt þegar Hrabba jákvæða er orðin svona svartsýn.. EN ÁFRAM ÍSLAND.. Vona að þeir þaggi niður í mér..

Pamela kveður..

Skammist ykkar............

2007-08-31T21:01:00.000+01:00

þið sem nennið að væla yfir nokkrum aukakílóum eða öðru eins lítilvægu.. 19 ára stelpa sem ég er að vinna með fór að grenja í vinnunni í dag vegna þess að hún er búin að þyngjast um 2 kíló (og við erum að tala um stelpu sem er bara mjög venjuleg í vexti).. Fór mikið að hugsa um svona fólk þegar ég las síðuna hennar Ástu Lovísu heitinnar.. Það er auðvitað skömmustulegt hvað minnstu hutir geta valdið miklum áhyggjum og vanlíðan þegar maður les um fólk sem er að berjast fyrir lífi sínu og veit að líkurnar eru ekki miklar.. Þetta er fólkið sem má kvarta..

Eivorin mín og family komu á miðvikudaginn og fóru í gær.. Ekkert smá æðislegt að hún sé flutt svona nálægt mér.. Innan við tveggja tíma keyrsla til hennar þannig að við eigum eftir að hittast mjög oft á næstunni.. Og ekki verra að geta skellt sér á stórleikina í boltanum... Förum á Flensborg-Ciudad Real í meistaradeildinni 26.sept..

Í gær komu Stulli, Matthildur, Ragga Ásgeirs og Heiðar í pizzupartý og svo spiluðum við stelpurnar á meðan strákarnir slöppuðu af.. Gaman að hitta Röggu enda orðið langt síðan síðast.. Matthildur kom líka með "my new boots" sem þau gáfu mér í afmælisgjöf.. Flottustu stígvél í heimi.. Ég þyrfti nú að fara að henda inn myndum af öllum afmælisgjöfunum mínum.. Ekkert smá flottar gjafir m.a nýtt hjól, svona týpískt danskt dömuhjól með körfu.

Á morgun er ég svo að fara í rosa dekur.. Svona "Mother to be".. Það verður aldeilis slappað af þar.. Svo förum við út að borða með vinnunni hans Viktors annað kvöld..

Hrabba feita kveður... (Og bara ánægð með öll aukakílóin)...

Tönn nr.2 farin..

2007-08-27T20:45:00.000+01:00

Já hvað er skemmtilegra en að missa tennur???

Fullt af nýjum myndum..

2007-08-20T23:07:00.002+01:00

Gleymdi að segja að ég er búin að setja inn fullt af nýjum myndum á myndasíðuna mína..

Ég á að bera eins og kindurnar..

2007-08-20T21:48:00.000+01:00

Já fór til ljósmóður í fyrsta skipti í dag.. Komin rétt rúma 6 mánuði á leið og á bara að fara tvisvar í viðbót, ekki mikið eftirlit hérna enda Árósaborg alltaf að spara á öllum stöðum.. Ég fór svo að spyrja út í fæðingardeildina hvort það væri eitthvað svona hreiður þar sem maður gæti gist í eina nótt með fjölskyldunni en nei nei þar sem þetta er mitt annað barn þá verð ég bara látin bera og svo hent út svona ca. 2 tímum seinna (4 ef heppnin er með mér).. Lá við að ég spurði hvort að barnið ætti ekki bara að labba út á eftir mér.. Hvaða rugl er þetta.. Eins gott að mamma verði komin út að stjana við mig..

Viktoría er byrjuð í skólanum, komin í 1 bekk (sem er 2 bekkur heima) og finnst hún auðvitað voða fullorðin.. Það styttist óðum í unglinginn..

Endurheimtum svo eitt af stóru börnunum okkar í dag... Valný mætt í kotið og byrjar í skólanum á morgun.. Ætlar að vera hjá okkur á meðan hún bíður eftir að finna eitthvað.. Viktoría voða kát með að vera búin að fá stóru systir heim..

Kveð í bili
Hrabba

6 mánuðir búnir - bara 3 eftir....

2007-08-18T20:04:00.000+01:00

Komin tími á að henda inn bumbumyndum.. Svona lít ég sem sagt út í dag..

Ég á bráðum ungling..

2007-08-08T22:09:00.000+01:00

Stoltasta barnið í heiminum..

Það er erfitt að gera ekki neitt..

2007-07-26T11:27:00.000+01:00

Já og ég er á lífi.. Aldeilis langt síðan ég skrifaði síðast og margt búið að gerast á þessum tíma.. Það var æðislegt að vera á klakanum og í þessu líka frábæra veðri.. Þetta var bara orðið rugl og á örugglega aldrei eftir að gerast aftur að sólin sé stanslaust á klakanum í 6 vikur.. Á þessum 13 dögum sem ég var heima náði ég að fara í tvö þrítugsafmæli (hjá Röggu og Steffí) og brúðkaup hjá Jóni Steinari og Pálínu sem var haldið fyrir vestan.. Ég fór sem sagt í fyrsta skipti á ævinni vestur og er nú aldeilis búin að keyra á milli Bolungarvíkur og Ísafjarðar og sjá allt þetta helsta og sjá hvar allir áttu heima (eða aðallega Óli sem átti heima á 9 stöðum í Bolungarvík sem er bara ágætis prósenta af öllum húsunum í Bolungarvík).. Við gistum svo í Hnífsdal með Óla og Hildi sem var með stærri maga en ég þannig að við óléttu konurnar skemmtum okkur vel í brúðkaupinu við að horfa á fólkið sem hafði drukkið of mikið og það er alveg ótrúlegt hvað reflexarnir hjá mörgum hægjast um 500%. En Vestfirðirnir voru mjög skemmtilegir og gaman að hafa loksins komið í stórbæinn hans Viktors míns.. Hefði bara viljað hafa aðeins lengri tíma fyrir vestan því þar var alveg geðveikt veður og hefði alveg verið hægt að skoða meira og auðvitað sóla sig..

Við komum svo heim síðasta mánudag og er veðrið hér búið að vera eins í 7 vikur eða skýjað, rigning á köflum og smá sólarglætur.. Ömurlegt og ekki útlit fyrir neitt betra á næstunni.. Aldrei að vita nema við skellum okkur eitthvað í viku bráðum.. Við erum sem betur fer ekki búin að vera ein í kotinu því Ragga Stef og Magnús voru hjá okkur í viku og Eivor og Lúkas kíktu líka við þannig að við erum búin að vera á fullu í görðunum (Legoland, Djurs, Löveparken og.fl) og svo auðvitað spilað á kvöldin enda Ragga mikil spilamanneskja.. Þau fóru svo á mánudaginn og erum við Viktoría búnar að gera lítið eftir það en við ætlum að skella okkur til Eibbunar á morgun til Flensborgar og kíkja á leik hjá Alex á móti Lemgo.. Svo verður auðvitað mikið spilað og svo grensan tekin með stæl á sunnudaginn og verslað inn fyrir afmælið góða sem verður sennilega haldið 10.ágúst í stað 11. þar sem handboltaskvísurnar komast ekki á laugardeginum og það eru auðvitað bara 20stk þar..

Lenti svo aldeilis í valkvíðakasti um daginn þar sem við ætluðum að horfa á sjónvarpið.. Haldiði að það hafi ekki verið sýnt á sama tíma á sitt hvorri stöðinni: HM í fótbolta fyrir heimilislausa og Ungfrú alheimur fyrir kynskiptinga.. Halló, á maður að geta valið þarna á milli?????????????

Líf og fjör í "frábæra veðrinu" í DENE
Hrabba

Frí á bekknum - ekki að meika það..

2007-06-27T21:10:00.000+01:00

Hún Steffí mín kom til Danmerkur á fimmtudaginn fyrir tæpum 2 vikum og það er búið að rigna síðan.. Það þýðir auðvitað að bekkurinn er orðinn MJÖG einmanna héra út í garði og brúnkan byrjuð að leka af mér..

Annars er nú búið að vera líf og fjör í kotinu.. Sæunn okkar var hjá okkur alla síðustu viku og var æðislegt að hafa hana hér.. Steffí og Selma Rún komu svo á föstudaginn og voru til sunnudags.. Við fórum til Tinnu og Dadda á Jónsmessu og grilluðum og ætluðum svo að kíkja á brennu sem er venjan hérna.. Bjóst nú ekki við miklu en þarna beið okkar bara rúmlega 5 þúsund manns, risa brenna, tónleikar og fjör.. Fórum svo aftur heim til Tinnu og vorum út í garði til 04.30 um nóttina og keyrðum þá heim.. Veðrið var sem betur fer mjög gott þetta kvöld..

Á morgun koma svo Gæi, Ásta og skvísurnar þeirra.. Þau geta því miður ekki stoppað lengi útaf þessum blessaða fótbolta (Gæi alltaf að þjálfa).. Þau fara aftur á laugardagsmorgun en við náum allavega að fara í Djurs sommerland á föstudaginn með börnin..

Svo er það bara klakinn góði eftir tæpa viku.. Hlakka mikið til að koma heim og nú er loksins komið að því að ég skoði bæinn hans Vikka míns.. Jú jú frúin bara að fara til Bolungarvíkur heila helgi.. Hlakka mikið til að sjá pleisið..

Svo fer að styttast í stórafmæli kellunar.. Ætla að leigja sal og halda stórt partý þann 11.ágúst.. Hér með bíð ég öllum vinum mínum í afmæli.. Nánari upplýsingar síðar.. En ég minni á að það er verið að selja mjög ódýra flugmiða á icelandair.is þannig að um að gera að panta strax..

Komin tiltektartími (Viktor hatar þegar ég byrja að taka til klukkan 23)..

Reyni að bæta bloggletina og svo fer að styttast í bumbumynd.. Þetta er allt að koma..

Hilsen
Hrabba

Myndband ársins??????

2007-06-24T17:42:00.000+01:00

Hlátur fyrir vikuna...
Þið verðið að kíkja á þetta.......... Það er alltaf gaman þegar fólk hefur húmor fyrir sjálfu sér.. Fylgist vel með textanum..

Mætt á bekkinn..

2007-06-07T22:38:00.000+01:00

Já og stend mig bara vel.. Geggjað veður hérna í Dene og spáin frábær framundan.. Það styttist líka í selskab á bekkinn.. Sæunn búin að panta, kemur 18.júní, og ætlar að vera á bekknum í tæpa viku.. Er meira að segja búin að lofa henni því að hún þurfi ekki einu sinni að fara inn og ná í bjórinn sjálf.. Svo grillar Vikkinn auðvitað ofan í okkur.. Verður æðislegt að hafa kompaní á bekknum..

Getur svo verið að Sibba frænka komi á sunnudaginn og kíki á okkur.. Vona að hún nenni að taka skreppið frá Köben..

Svo er það auðvitað blessaður fótboltinn sem er búinn að vera í sviðsljósinu hérna.. Vitleysingurinn sem hljóp inn á er bara komin í felur með kærustunni og þorir ekki einu sinni heim til sín (skil það nú mjög vel, ég væri hrædd ef það væri bara einhver einn maður sem vildi drepa mig en það eru 5 milljónir með hann á dauðalistanum sínum).. Svo er aumingja maðurinn puttabrotinn líka eftir að hann kýldi í klósettvegg eftir að hafa fattað hvað hann var ógeðslega heimskur..
En ekki það að ég held að það sé miklu verra að vera Íslendingur en Dani í dag hvað fótbolta varðar.. Þeir geta þó allavega spilað fótbolta. Vá hvað Íslendingar eru lélegir, held að það væri bara miklu sniðugara að senda FH liðið í þetta að viðbættum nokkrum leikmönnum í stað úllanna.. Þeir gætu allavega náð að senda boltann nokkrum sinnum á milli sín.. Dönsku þulirnir eru allvega ekki búnir að fara fögrum orðum um íslenska liðið.. Eiga ekki til orð hvað þeir eru lélegir.. Það góða við þetta er að á meðan við erum svona ógeðslega léleg í fótbolta þá lifir handboltinn ennþá og það skiptir jú öllu.. Held að ef við kæmumst á stórmót í fótbolta þá deyr handboltinn en við þurfum nú ekki að hafa miklar áhyggjur af því...

Farin að skola af mér sólkremið
Hrabba

Pollróleg ennþá..

2007-05-27T02:15:00.000+01:00

Ótrúlegt að ég sé búin að vera á klakanum í þrjár vikur og er bara hin rólegasta.. Hef yfirleitt fengið nóg af stressinu og látunum eftir 10 daga.. Kannski er ástæðan mikil þreyta og mikill svefn upp á síðkastið.. Geri lítið annað en leggja mig á daginn og hef nú ekki afrekað margar bæjarferðirnar.. En mér líður vel og það er nú fyrir öllu..

Aðeins 6 dagar í heimför og verður nú fínt að komast í faðm Vikkans og rífa hann upp af hnjánum en hann hefur lítið annað gert en að liggja á hnjánum út í garði og gramsa í beðunum.. Hann er að reyna að halda í við alla grannana sem gera lítið annað en dunda í garðinum.. Eins gott að það verði nú fallegt í kringum mig þegar ég mæti á sólbekkinn, haha....

Tinna vildi endilega að ég kæmi því að hvernig litla músin mín brást við bumbufréttunum og að hún væri að verða stóra systir en mín var nú aldeilis kát með þetta og brosti auðvitað í hringi og kastaði sér í fangið á mér en svo var það fyrsta sem hún sagði: "Gerðuð þið það í gær"??? Þið getið rétt ímyndað ykkur hvert hakan á okkur fór en Viktor náði nú að spyrja: "gerðum við hvað í gær"??? Viktoría: "Nú, búa til barnið"????
Já kynfræðslan hjá múttunni ekkert að klikka neitt eftir að hún kom með bókina í vetur, hvernig börnin verða til....

Kannski að maður drífi sig í háttinn svo að ég þurfi ekki að leggja mig tvisvar á morgun..

Hrabba

Mætt á klakann..

2007-05-09T00:59:00.000+01:00

Viktoría byrjuð í Breiðholtsskóla og auðvitað mjög sátt með það.. Ég var svo heppin að fá afleysingastöðu á meðan ég er hérna.. Kenni 7.bekk í Breiðholtsskóla og er með 19 tíma á viku sem er bara mjög fínt.. Þetta gat ekki farið betur..

Svo er ég auðvitað byrjuð að bjóða mér í mat alls staðar og gengur það eins og í sögu.. Fór til Ingu Fríðu í gær og hélt ég hefði borðað fyrir vikuna en nei aldeilis ekki því ég var mætt til Júlla og Moniku í kvöld í enn einn frábæra grillmatinn.. Ég lifi bara drottningarlífi þessa dagana.. Takk kærlega fyrir mig elskurnar.. Við erum að tala um að Júlli fór heim í hádeginu í dag til að marínera kjúklingabringurnar og svo var búin til töfrasósa með, má ekki gefa upp neina upprskrift en ég átti líka að taka það fram að borið var fram bæði þurrsalat og blautsalat (hrásalat).

Já svo er það nú annars helst í fréttum hérna megin að ég er bara farin að safna bumbu þannig að það verður engin bolti fyrr en eftir jól... Reiknað er með að Gyða Sól fari í "aðgerðina" 17 nóv þannig að maður ætti nú að vera klár fyrir landsmót..

Hvíldin kallar
Hrabba

Brjálað að gera..

2007-04-30T20:57:00.000+01:00

hjá litlu fjölskyldunni.. Helgin bauð upp á ýmislegt.. Á föstudaginn var nágrannakaffi sem við héldum að væri bara smá kaffiboð en nei nei við fórum fyrst úr partýinu um 23.. Held að þetta hafi nú bara komið ágætlega út.. Við þekkjum allavega fleiri og vitum hvað nágrannarnir heita og númer hvað þeir búa..

Á laugardaginn var svo leikdagur með bekknum hennar Viktoríu þar sem við þurftum að leysa allskonar þrautir.. órum svo beint í afmæli til Telmu vinkonu Viktoríu og svo var henni skutlað til Köru vinkonu sinnar þar sem hún gisti á meðan við fórum á lokahóf klúbbsins.. Aðeins of strembið prógram og gömlu hjónin fru nú bara heim snemma.. Viktor fór svo að vinna á sunnudeginum, er að vinna fullt auka þessa dagana sem er auðvitað bara hið best mál..

Daggan flutt úr Danaveldi og farin til Spánar.. Var varla lent á Spáni þegar hún hitti mömmu fyrir tilviljun á einhverjum markaði en hún er í konuferð á Alicante.. Lítill heimur..

Svo styttist í okkur mæðgur á klakann..
Hrabba

Frábær helgi..

2007-04-23T21:39:00.000+01:00

Tinna, Daddi og Emelía komu til okkar á föstudaginn og gistu.. Það þýðir nú bara eitt þegar við hittumst.. Endalaus matur.... Og ákváðum að prufa eitthvað alveg nýtt og elduðum andabringur í appelsínusósu.. Smakkaðist bara mjög vel.. Svo var Tinna með eftirrétt dauðans á eftir.. Já já bara komin með nýja uppskrift núna sem ég á eflaust eftir að nota.. Eftir að hafa jafnað okkur var að sjálfsögðu spilað og eins og vanalega unnum við Tinna..

Á laugardaginn var svo farið í síðasta skipti í heimsókn til Dagnýjar og co í Holstebro.. Það verður mikill söknuður að missa þau úr landi..

Aðalfrétt helgarinnar er svo auðvitað litla prinsessan sem fæddist á laugardaginn.. Hægt að vinna fullt af peningum ef þið veðjið á að hún eigi eftir að heita Lotte.. Rosa miklar líkur á vinningi þar.. Þessi Dani getur alveg drepið mig með þessari kóngafjölskyldu.. Fréttamenn voru fyrir utan spítalann í marga klukkutíma eftir fæðinguna og svo var hægt að senda sms á TV2 til að senda hamingjuóskir.. Ég er alveg að sjá prins Friðrik vera að lesa skilaboð frá almúganum.. "María mín við vorum að fá sendar hamingjuóskir frá Hröbbu og Viktori í Trige.."
Sjúkt að sjónvarpsstöð sé að þéna peninga á svona vitleysu..

Farin í háttinn
Hrabba

Farin í háttin
Hrabba

Snilld snilld snilld...

2007-04-19T16:05:00.000+01:00

Svona fyrir ykkur sem farið ekki oft inn á kvikmynd.is þá verðið þið að kíkja á þetta.. Held að hann eigi ekki eftir að vera í vandræðum með að ná sér í kerlingar seinna meir þessi..

Fótboltamistök eru líka alltaf skemmtileg..

Boltinn búinn..

2007-04-17T20:46:00.000+01:00

Já unnum á laugardaginn og tímabilið búið.. Nú er 10 daga frí og ég búin að vera mjög dugleg í að vera í fríi.. Reyndar nóg að gera í vinnunni og nú get ég unnið miklu meira.. Eyddi svo þremur klukkutímum í að taka til í herbergi dóttur minnar áðan.. Búið að sortera allt dótið..

Svo er nú bra helst í fréttum að við erum ekki búin að vera með næturgesti í rúmar þrjár vikur.. Erum orðin svolítið einmanna litla fjölskyldan..

Um helgina ætlum við svo að skreppa til Holstebro, síðasti séns áður en systa yfirgefur mig (snökt snökt).. Þetta er rosalegt.. Held nú samt að hún hafi verið farin að sjá pínu eftir þessari ákvörðun í gær en þá var geðveikt veður.. Vorum út í garði í sólbaði og spiluðum kubb til að verða 19.. Og hefðum nú alveg getað verið lengur.. Þvílík snilld á þessum tíma árs..

Já og verð nú að segja frá því að eftir brunann um daginn þá fór þunnt lag af húðinni minni af enninu og haldiði ekki að freknurnar hafi farið með.. Jú jú komin í affreknun..

Hilsen
Hrabba

Kjósið Óla....

2007-04-15T22:57:00.000+01:00

Allir að klikka hér og kjósið Ólaf Stefánsson besta handknattleiksmann í heimi.. Komin tími á að hann fái þetta.. Tekur engan tíma og þið getið meira að segja unnið skó og bol.. Já já stórvinningar í boði þar..

13.apríl og ég er brennd í andlitinu..

2007-04-13T20:21:00.000+01:00

Já takk.. Var í fríi í gær og lagðist út í garð í rúma tvo tíma í gær í góða veðrinu.. Sól, heiðskýrt og um 17 gráður.. Þarf auðvitað ekki að taka það fram að ég sofnaði að sjálfsögðu.. Vaknaði svo bara skaðbrennd í andlitinu.. Þannig að það er búið að hlæja að mér stanslaust í dag og í gær.. Bara snilld hvað það er komið gott veður hérna og spír enn betra um helgina eða allt upp í 22 gráður.. Þið getið búist við Hröbbunni svartri í byrjun maí (eða allavega rauðri)..

Í gær horfðum við svo á eurovision þátt þar sm tekin voru fyrsti fjórðungur laganna og þ.á.m. Ísland.. Já ég get nú bara sagt ykkur það að við erum að fara að vinna þessa keppni (miðað við úrslitin í gær allavega).. Rústuðum þessum þætti með 24 stig af 25 mögulegum og næsta land fékk bara 19.. Eiríkur sjálfur í stúdíóinu og auðvitað lang flottastur.. Ég er að fíla þetta lag mjög vel og fannst það lang flottast í undankeppninni.. Vona að við komumst í úrslitakeppnina..

Keppum vonandi síðasta leikinn á morgun og þá er ég komin í 10 daga frí.. Kannski að við skreppum til Barca..

Lifið heil
Hrabba

Hver var númer 300.000??????

2007-04-10T20:37:00.000+01:00

Teljarinn búinn að liggja niðri í tvo daga og svo þegar ég kíkti á síðuna áðan þá var bara teljarinn kominn í 300.007.. Og ég náði ekki einu sinni að setja verðlaun í boði inn fyrir þann merka gest númer 300.000... Já og það hafa sko ekki verið amaleg verðlaun í boði hingað til.. Spyrjið bara Örnu...

Spiluðum á sunnudaginn fyrsta umspilsleikinn sem átti að vera mjög auðveldur en við enduðum á að vinna bara með 4 mörkum.. Samt var nú sigurinn aldrei í hættu.. Spilum aftur við þær á laugardaginn og verðum að vinna til að tímabilinu sé lokið..

Hugsunarháttur leikmanna getur verið mjög misjafn og tókst einum leikmanni að slá alla út um daginn.. Við erum að tala um örvhenta skyttu sem var valinn í Evrópuliðið á síðasta EM.. Hún spilar með Álaborg sem urðu í 3 sæti í deildinni á eftir Viborg sem þýddi að þessi tvö lið mættust í úrslitakeppninni í best of 3 um að komast í úrslitaleikinn.. Fysti leikurinn var spilaður helgina fyrir páska, næsti leikur á föstudaginn langa og svo þriðji leikurinn (ef þyrfti) í gær.. Haldiði að mín hafi ekki bara verið búin að panta sér farmiða heim á laugardaginn.. Bara alveg viss um að þær myndi tapa og því tímabilið búið.. Þetta gæti aldrei gerst með íslenskan leikmann og þá meina ég aldrei (eða ég ætla rétt að vona ekki).. Hvernig er hægt að hugsa svona sem íþróttamaður.. En Álaborg tapaði fyrsta, vann annan og þurfti að spila þriðja leik þannig að hún komst ekkert í flugið sitt..

Svo fengum við gleðifréttir áðan.. Mútta búin að redda Viktoríu inn í Breiðholtsskóla á meðan við erum heima í maí.. Snúllunni hlakkar auðvitað mikið til að prófa íslenskan skóla.. Frábært líka að geta tekið hana með heim og ekki skemmir það fyrir að hún sé að fara í gamla skólann minn..

Já líf og fjör í Århus
Hrabba

Glæstar vonir........

2007-04-05T22:11:00.000+01:00

Ég get nú sagt ykkur það að það var verið að sýna þátt númer 4792 í dag.. Hvað er það??? Við erum að tala um að Ridge sem var nú alltaf aða töffarinn hann er orðin gráhærður en aftur á móti Brooke sem er búin að grenja síðan í þætti 1 lítur alltaf eins út.. Þessi þáttur er búin að fara í svo marga hringi að það er fáránlegt.. Ridge sem var fyrst pabbi Bridget en komst svo að því að hann væri bróðir hennar (þar sem pabbi hans hafði barnað konuna hans) endaði svo á því að vera kærsti hennar þegar í ljós kom að hann var ekki sonur pabba síns og þar af leiðandi ekki broðir hennar.. Til hamingju þið sem ekki eruð búin að missa þráðinn.. Og svo taland um þá sem hafa dáið og lifnað við aftur það eru nú nokkur tilfelli... En það versta er þegar það er skipt um leikara til að leika sömu manneskjuna.. Af hverju ekki að láta þær bara deyja í staðin fyrir þá sem eiga að lifna við.. Já ég spyr??

En allavega þá get ég sagt ykkur það að í sjónvarpsdagskránni er kominn tvípunktur fyrir aftan þáttarnúmerið þannig að í dag var 4792:5000 sem þýðir að það verða aðeins 5000 þættir.. Já hvað verður þá hægt að tala um??

Varð að deila þessa með ykkur..
Hrabba sem er ekki að gera neitt í páskafríinu..

Keith Richards..

2007-04-04T16:38:00.000+01:00

Snillingur eða ekki.. Þessi maður hefur adrei verið í miklu uppáhaldi hjá mér en vá hvað hann getur nú samt oft verið fyndinn.. Hver man ekki eftir þegar hann svaraði spurningunni um: hvað honum fyndist um eiturlyfjavandamálin í dag?? að það væri ekkert eiturlyfjavandamál í heiminum í dag, það væru ekki til nein eiturlyf því hann væri búinn að klára þau..

Það nýjasta er svo að hann á að hafa tekið pabba sinn í nefið í orðsins fyllstu.. Blandaði ösku af pabba sínum við kókaín og tók í nefið.. Og lifir enn.. Reyndar er búið að taka þetta tilbaka en það er ekkert gefið að taka svona tilbaka þegar maður heitir Keith Richard og allir trúa öllu upp á hann.. Og hann var ekkert að leiðrétta þetta sjálfur heldur bara einhver talsmaður..

Og svo verð ég að koma með smá pælingu... Hvað er með þessar ofurfyrirsætur og að ná sér í ógeðslega menn.. Naomi var með einhverjum eldgömlum formúlukalli sem hefði getað verið afi hennar og sá gæi náði sér nú bara í yngri módel eftir það.. Heidi Klum með Seal sem er verri í húðinni en Morgan Freeman og er vægast sagt ljótur (meira að segja að eigin sögn).. Sigurvegarinn er svo auðvitað Kate Moss sem er með ógeðinu Pete Doherty.. Eruði ekki að grínast með viðbjóðis mann.. Ég myndi í alvöru frekar taka áhættuna og selja mig einu sinni og taka það fyrsta sem kæmi en að vera með honum.. Það væri allavega 90% líkur á einhverju skárra.. Hann er ÓGÓ..
Og við erum að tala um gellur sem vita ekki aura sinna tal og geta náð sér í hvaða karlmann sem er.. Þetta er mjög skrýtið mál.. Og ekki reyna að koma með einhver fáránleg comment um innri mann því það er ekki einu sinni tilfellið hér..

Já Hrabban í stuði með fræga fólkinu...

Fyrsti verðlaunapeningurinn...

2007-04-02T18:14:00.000+01:00

Komin í hús hjá handboltadrottningunni Viktoríu og auðvitað búin að hanga um hálsin í tvo sólarhringa núna.. Yndislegt að fá fyrsta verðlaunapeninginn og vá hvað ég man eftir mínum sem ég fékk fyrir að hlaupa með brjóstsykur í skeið..

Við mæðgur erum bara í páskafríi núna og ætlum að "hugga" okkur alla vikuna.. Þarf bara að mæta á æfingar og þá er DVD ferðaspilarinn tekinn með fyrir Dísina sem er auðvitað mjög sátt við það..

Annars erum við búin að vera að horfa á ýmislegt núna við hjónin, m.a sundgellan semlamdi pabba sinn.. Er ekki alveg að skilja það mál.. Hann var útilokaður á HM fyrir að leggja hendur á dóttur sína og svo fylgir myndband með þar sem bara sést í gelluna lemja pabba sinn.. Mjög undarlegt mál..
Svo verðið þið að kíkja á þetta:
Magga Gunn skora körfu ársins í stjörnuleik.. Þvílík snilld..
Önju Andersen í ruglinu.. Hún hefur meira að segja skorað með skalla..
Fóstbræður.. Ef þið hafið lítið að gera þá er fullt af góðum atriðum úr fóstbræðrum sem alltaf er gaman að rifja upp..

Farin að "hugga" með Viktoríu
Hrabba

Handboltastjarnan..

2007-03-28T20:08:00.000+01:00

"Mamma mamma ég byrja á bekknum.." Stoltust í heimi yfir því.. Hvaðan kemur það?

Með Telmu vinkonu sinni sem býr hérna í Trige..

Já ferillinn heldur betur byrjaður eða ekki.. Mín er sko ekki að nenna að æfa sig.. Þjálfarinn er alltaf að segja við hana að hún eigi að láta mömmu sína kenna sér að dripla, kasta og grípa og hún er sko alls ekki að nenna því.. Hún verður svona ein af þeim sem verður þarna út af félagsskapnum hahaha.. En svo sem aldrei að vita nema þetta komi einn daginn.. Annars verður hún bara klappstýra það er nú keppt í því hérna í Danmörku..

Aðeins tveir leikir eftir á tímabilinu en það eru leikir um að halda sæti okkar í efstu deild á móti Sönderjyske sem spilar í 1.deild.. Fyrri leikurinn verður á páskadag og seinni á laugardeginum á eftir..

Á morgun er skolefest í skólanum hennar Viktoríu.. Einhver rosa sýning og voða gaman.. Mikil tilhlökkun og loksins kemst ég með en það halda örugglega allir að Viktor sé einstæður pabbi.. Hann er alltaf með henni í öllu á meðan ég er að boltast..

Daggan svo bara á Íslandi og er hennar sárt saknað.. Það er alltaf bara partur af dagsprógramminu að hringja í hana.. Það verður hrikalegt þegar hún verður alfarin á klakann.. Held hún eigi eftir að iðrast mikið að flytja heim..

Imbinn kallar

Hrabba

Pabbi 50 ára.....

2007-03-18T13:53:00.000Z

Ekki eins og það sé hár aldur miðað við að eiga dóttur sem verður þrítug á árinu.. Stóri dagurinn var 13.mars og var afmælisbarnið hérna hjá okkur í Danaveldi.. Gamla settið kom beint frá Tyrklandi þar sem þau voru búin að vera í 10 daga á geðveiku hóteli.. Fóru þau fyrst til Döggunar og komum við svo til Holstebro á afmælisdaginn og horfðum á Dagnýju keppa og fórum svo út að borða góðan mat.. Tókum svo settið með okkur til Århus og héldum "mini" afmæli á föstudaginn með 5 kílóa eðal kjötstykki og góðu meðlæti.. Þarf auðvitað ekki að taka fram að auðvitað voru kökur a la Hrabba í eftirrétt.. Vorum 13 manns og allir í gistingu, rosa stuð auðvitað.. Fórum í Gokart í gær og svo fór settið heim í dag.. Hanna og Valný fara svo heim á morgun þannig að það er heldur betur að fækka í kotinu..

Styttist í að handboltatímabilið endi.. Einn leikur eftir sem er á miðvikudaginn og svo tveir umspilsleikir 8 og 15.apríl sem eiga að vera auðveldir en þannig er það nú ekki alltaf..

Viktoría í essinu sínu í boltanum... Skoraði á æfingu um daginn (þegar amma og afi voru að horfa)og fagnaði svo mikið að það þurfti næstum því að stoppa æfinguna..

Farin að gera EKKI NEITT
Hrabba

Hinn helmingurinn 30 ára..

2007-03-07T21:13:00.000Z

Minn heittelskaði bara komin á fertugsaldurinn en lítur nú enn mjög vel.. Hann eldist vel þessi elska.. Dagurinn í gær bara hinn fínasti en frekar rólegur.. Matthildur og Stulli komu og svo voru auðvitað heimalingarnir okkar þessa dagana (Orri og Svala) líka.. Ekki amalegt að hafa Sveilina með sér í eldhúsinu.. Elduðum Jamie Oliver kjúlla með sítrónu, fersku tímían og parma skinku.. Ekkert smá gott... Og svo fékk Orri að ráða desertinum sem þýðir Bounty kaka.. Klikkaði á að baka hana síðast þegar hann var hérna og greyið var með tárin í augunum marga mánuði á eftir..

Á laugardaginn er svo heldur betur stór dagur í lífi fjölskyldunnar.. Viktoría að fara að keppa sinn fyrsta handboltaleik.. Þetta verður eitthvað rosalegt hún greyið litla getur minna en ekki neitt.. Reyndar nýbyrjuð en ég hafði svona vonað að hún hefði smá bolta í sér en NEI það er ekki að ganga eftir.. Hanna systir fór með hana á eina æfingu og gekk með hauspoka 3 daga á eftir.. Hún var ekki að trúa þessu.. En þetta kemur og trúið mér að ég er mjög hvetjandi og hrósa henni stöðugt fyrir minnstu afrek...

Læt þetta duga í bili
Hrabba

Viktor Hólm 30 ára.....

2007-03-06T20:20:00.000Z

Hann á afmæli í dag.....BIG 30! Til lukku með það strákur, aldrei litið betur út:)

Til gamans má geta að ég var að leita af mynd af Viktori á netinu og fann þá þetta.....

Upplýsingar úr afrekaskrá Frjálsíþróttasambands Íslands
Unnið úr gagnasafni Frjálsíþróttasambands Íslands Viktor Hólm Jónmundsson, HSB Sundlaugavegi 28 105 Reykjavík
Fæðingarár: 1977
100 metra hlaup12,87-2,9Landsmót UMFÍ Laugarvatn

Jebb strákurinn leynir á sér, efast um að margir hafi hlaupið 100 metrana undir 13 mín!Annars bara enn og aftur til lukku með daginn og hafið það gott. Á ekki von á öðru en að Hrabban hafi pínt sig í eina marens fyrir karlinn.

Með óskir að við munum mætast á tartaranum í sumar
Kveðja Dagný mása!

Kjósið Stefý.....

2007-02-24T20:51:00.000Z

Jæja lesendur góðir, nú er hún Stefý "litla" að fara að keppa í ungfrú Suðurland og fara fram netkostningar á http://olthorol.com/um_stulkurnar.html endilega kjósið skvísuna. Hún er að sjálfsögðu langt flottust:) Það finnst mér allavega. Fyrir þá sem þekkja ekki Stefý þá er hún frænka hans Gunnars Berg.

Annars allt það fína að frétta frá Holstebro. Hér er snjór en ekki Sneestorm eins og hjá Hrebs. Svo kellan er ekki enn þá búin að taka snjógallan fram, læt dúnúlpuna duga:)

Yfir til Hrebs

Kveðja Dagný

2007-02-24T16:10:00.000Z

Úti að ná í eldivið....

Síðan síðast..........

2007-02-24T02:38:00.000Z

Hefur margt gerst:

-Ruslakarlarnir fóru í verkfall vegna þess að tveir aumingjar voru reknir (ef ég væri ruslakarl þá væri ég frekar til í að fá tvo nýja starfsfélaga sem mæta í vinnuna en nei það þykir töff að vera alltaf í veikindafríi og geta varla gert grein fyrir veikindum sínum).. Ekki nóg með það þá blokkuðu þeir Sorpu þannig að það var ekki hægt að fara með ruslið sjálf/ur.. Það er víst búið að lesa þetta núna þannig að ég bíð spennt eftir ruslakörlunum enda rusl út um allt..

-Við unnum Holstebro og getum náð Horsens að stigum ef við vinnum þær í næsta leik.. Það þýðir að við getum sloppið við umspilsleiki í apríl..

-Viktor fárveikur og liggur í svitabaði allan sólarhringinn.. Versnar bara ef eitthvað er..

-Biggi kom óvænt í heimsókn í gær.. Svipurinn á Hönnu Lóu þegar hann labbaði inn í stofu var svakalegur.. Ég á örugglega aldrei eftir að sjá neinn svona hissa aftur.. Algjör snilld.. Hann verður hérna þangað til á mánudaginn..

-Búið að snjóa rosalega hérna á síðustu dögum.. Ég í blóma yfir þessu.. Elska snjó, svo bjart yfir öllu og svo auðvitað æðislegt að fara út að leika í snjónum.. Ætlum út á morgun að búa til snjóhús og snjókarl.. Mikil tilhlökkun..

-Búin að spila Partners í marga klukkutíma á síðustu dögum og eyða enn fleiri klukkutímum í að horfa á Grey´s anatomy.. Þvílíkir snilldarþættir..

Set inn myndir mjög fljótlega af snjódýrðinni hérna fyrir utan..
Hrabba

Bolludagur... Namminamm..

2007-02-18T21:39:00.000Z

Og vá hvað ég er búin að borða margar bollur.. Fórum til Beggu og Bjarna í bollur og engar venjulegar bollur.. Við erum að tala um 5 stjörnu bollur hjá Beggunni.. Stelpan alveg á heimavelli í bollugerð og ekki bara að þær væru rosalegar á bragðið þá voru þær líka hinar glæsilegustu.. Þarf ekki að hafa áhyggjur af því að Beggan mín fitni eitthvað af bollunum þar sem við sáum um að borða þær flestar frá henni.. Takk kærlega fyrir okkur Begga mín og Bjarni auðvitað..

Var að heyra frábæra bolludagssögu þar sem Íslendingur sem er búsettur í Danmörku var að skýra út fyrir dana hvernig hefðirnar væru á bolludeginum heima: En þar "boller" alle hinanden.. Börnin "boller" foreldrana sína og foreldrarnir "boller" börnin o.s.frv. Já bolluvöndurinn góði að gera gott mót.. Og þeir sem eru alveg farnir í dönsku þá þýðir bolle sem sagt að ríða.. Get alveg ímyndað mér upplitið á Dananum við þessari sögu..

Svo var það annar sem var að segja að hann væri fjarsýnn en hann var fjernsyn (sem sagt sjónvarp)..

Já líf og fjör í Dene en samt ekki eins og á Íslandi þar sem alle boller alle
Hrabba

Enn einn sigurinn..

2007-02-10T00:06:00.000Z

Veit ekki hvað er að gerast en við bara vinnum og vinnum og ekki er það nú leiðinlegt.. Unnum Kolding í gær með einu og skoruðum þegar 2 sek voru eftir sem gerði þetta enn sætara.. Eigum Slagelse í næsta leik sem eru taplausar og ætla sér taplausar í gegnum deildina.. Væri nú ekki leiðinlegt að stela stigum af Önju og co..

Unglingarnir okkar eru búnar að vera í burtu núna í viku.. Skruppu til Ítalíu og koma á sunnudaginn.. Erum ekki búin að vera neitt einmanna síðan þær fóru því við erum búin að fá gesti. Davíð, Diljá og guttar eru hjá okkur núna og verða alla helgina.. Alltaf gaman að hafa gesti og það eru bjartir tímar framundan hvað varðar gestagang.. Svali doktorinn er væntanleg í lok mánaðarins og hlökkum við mikið til að fá hana.. Sjaldan lognmolla í kringum þann gullmola.. Mamma og pabbi eru svo væntanleg í mars.. Pabbi að koma svo ég geti haldið upp á 50 ára afmælið hans.. Það verða einhverjar kökurnar bakaðar þá..

Jæja best að fara á date með Jack B..

Hrabba

Mikið að gerst í Árósunum...

2007-02-04T13:40:00.000Z

Erotic world sýningin auðvitað á sínum stað fyrstu helgina í febrúar.. Ótrúlegt að við skulum ekki enn vera búin að fá gesti frá Íslandi á þessum tíma.. Við stelpurnar í liðinu fengum boðsmiða á þetta í ár og nú var líka komið að því að kíkja á þetta mjög svo sérstaka show.. Já þarna voru hræðilegir stripparar (very bad), allskonar dót til sölu í svona ca 30-40 Rómeó og Júlíu básar.. Þvagsleðinn frægi var hvergi sjáanlegur en þarna var hægt að kaupa sér sætispúða með dildó standandi upp úr í miðjunni.. Mjög sniðugt fyrir flestar piparjónkur eða hvað??
Þarna voru líka mjög spennandi DVD myndir eins og "Privates of Carribien" með Jennu Jameson as Jhonny Depp og undirtitillinn "The cure of the black hole". Þarna var líka hægt að kaupa PornoWars auðvitað skrifaðmeð alveg eins stöfum og StarWars.. Já þessir snillingar í þessum bransa vaða alveg í góðum hugmyndum.. Þið sem eruð orðin voðalega spennt núna þá er þessi sýning aftur á næsta ári fyrstu helgina febrúar..

Spiluðum á móti FCK í gær og gerðum jafntefli.. Dómararnir alveg skelfilegir og náðu að gera alla brjálaða.. Alltaf svolítið spes þegar það gerist.. Erum núna komnar upp fyrir Esbjerg og verðum að halda okkur þar..

Svo er það auðvitað bara handboltinn í sjónvarpinu sem er alveg búin að gera mig vitlausa.. Er ekki að jafna mig eftir þetta helvítis Danatap.. Hef ekki getað haldið með Dönum síðan.. Var farinn að garga af gleði þegar Pólland var að skora á móti þeim. En svona er þessi blessaði bolti..

Kveð í bili
Hrabba

Þekkirðu fræga fólkið???

2007-02-01T20:37:00.000Z

Þá er það næsta gáta...

Vísbending 1: Uppáhaldsmyndin hans er Scarface med Al Pacino og hefur hann séð hana oftar en 60 sinnum..

Vísbending 2: Hann hefur verið valin flottasti einstæði pabbinn af bandarísku tímariti en er ekki einstæður í dag..

Koma svo..

Til hamingju með afmælið uppáhalds bróðir..

2007-02-01T20:25:00.000Z

Já uppáhalds bróðir minn hann Daði er 25 ára í dag.. Innilega til hamingju með það elskan.. Afmælismatur heima í Austurbergi og manni ekki einu sinni boðið.. Það er svona að vera útlendingur, bara útskúfuð.. En vonandi áttu frábæran dag Daði minn..
Spurning um að setja inn nokkrar góðar myndir af Daddunum svona til að gleðja hann..

Sorglegt.......

2007-01-31T16:35:00.000Z

Tar tar og fleirri tar. Ooooo.... hvad thetta var svekkjandi i gær. Thad munadi svo litlu ad vid færum alla leid, sma heppni okkar megin tha hefdum vid tekid tha! Hrikalegt ad vera staddur i Danaveldinu og verda vitni af thessum baunum fagna....fekk nokkur sms i gær!
Kellan var annars tho nokkud satt vid helgina. Thetta var hin finasta ferd til Thyskalands og gaman ad sja "strakana okkar" vinna Slovenana. Madur hitti ad sjalfsogu fullt af skemmtilegu folki og var bara gaman af thvi. Eg held ad kellan hafi sett met i Dortmund, hafdi 45 min til ad versla og nadi ad fylla 3 poka. Eftir thad forum vid Gunnar a kaffihus og eg skalf.....eg held ad eg hafi verid i
"shopping-sjokki".

Kvedja Dagny

Spennan að ná hámarki..

2007-01-29T23:16:00.000Z

Er varla að höndla að bíða eftir þessum blessaða leik.. Danirnir að tapa sér yfir því að vera komnir í úrslitaleikinn.. Eru svo sigurvissir að það nær engri átt.. Ótrúlegt að sjá viðtöl við suma leikmenn.. Ætla rétt að vona að Ísland verði ekki draumamótherjar þegar leikurinn hefst.. Vona að þeir klessi allir á vegg þegar þeir koma inn í íslensku vörnina.. Meika ekki heldur að fá 50 sms á meðan leiknum stendur ef okkur gengur illa..

Var komin með miða á leikinn en fékk ekki frí á æfingu.. Er það ekki bara grátlegt.. Ekki nema rúmir 3 tímar að keyra en Hanna syst fær að fara í staðinn og Valla pjalla með henni.. Það má taka það fram að þær fara í boði Glitnis og KB banka sem að gjörsamlega dæla í þær yfirdrátt.. Já þessir bankar geta nú ýmislegt..

Annars bara flestir í stuði hér nema kötturinn sem var jafnaður við jörðu og tókst mér að keyra einu sinni yfir hann.. En það var fyrst þrem dögum seinna og því ekki svo mikil hraðahindrun þar.. Greyið dýrin hérna, alltaf verið að keyra á þau og svo eru þau bara látin liggja á götunum þangað til að þau hverfa ofan í malbikið.. Og vegna þess að það eru engin götuljós í Danmörku þá er ekki séns að sjá þessi grey á kvöldin fyrr en alltof seint..

Er að lesa Flugdrekahlauparann og er varla að meika það hvað hún er sorgleg.. Var næstum því farin að gráta í strætó í dag.. Spurning hvort ég þori með hana í gula vagninn á morgun.. En mjög góð bók þar á ferð..

ÁFRAM ÍSLAND
Hrabba

Happy happy!!!!

2007-01-25T11:58:00.000Z

Ja ef thad er ekki tilefni til ad blogga nuna, hvenær tha? Kellan er enn i sigurvimu eftir ad hafa fengid fyrsta stigid i ligunni a Manudaginn. Thad er ohætt ad segja ad vid stalum theim sigri a moti Horsens....vorum ad tapa med 9 mørkum thegar 15 min voru eftir! Vid attum meira ad segja møguleika a tveimur stigum, thvi vid brenndum af viti a sidustu sek. leiksins....drama drama!!! Mer gekk bara fint, fekk ad spila i 20 min, med 2 stykki. Eins og alltaf gerist hja okkur kellunum tha forum vid ad tala um hvad var happa thegar vid høfum nad ad vinna leiki. ( Thar ad segja ef leikmenn eru i sømu stødu og vid Holstebro-stulkur erum bunar ad vera i ). Vid stulkur forum ad rifja upp.....thad voru einhverjar i nyjum nærbuxum, sumar i nyjum happa sokkum og svo framvegis.....en kellan nadi heldur betur ad toppa thetta. Min skellti ser yfir i klefa motherjana fyrir leik og skellti einum KK i klosettid hja motherjunum.....vid erum ad tala um thad ad thetta tharf min ad gera framvegis! Helvitis vitleysa sem madur er buin ad koma ser i! En mer til varnar tha vissi eg ekki ad thetta væri klefi motherjana fyrir en eg labba ut ur klefanum i fasid a Horsens-markmanninum a leidinni inn i klefann.....Mjøg tøff! Kellan vard bara ekkert eins og tomatur i framan!

Annars er min a leidinni til Thyskalands a morgun, vid Gunther ætlum ad bruna med Mola litla til Moster og Hønnu og svo er thad bara HM i Thyskalandi. Vid munum hitta Dribbuna, Sigga Braga, Elisu og væntanlega fleirri:) Lifid er bara yndislegt thessa dagana.
Eg ætla ad njota thess!
Kvedja Dagny

Hrabba umbi...

2007-01-24T22:33:00.000Z

Já ég er undir mikilli pressu að finna leikmenn sem vilja koma til Danmerkur að spila.. Er með tvo umba sem starfa saman og vantar leikmenn til að selja.. Þið sem eruð eitthvað að spá í að koma ykkur út að spila endilega skrifið mér mail (hrabbaosk@simnet.is) og ég get komið ykkur á framfæri.. Þið þurfið ekki að hafa neinar áhyggjur á að vera að binda ykkur eitthvað, þið þurfið ekki að skrifa undir neitt og eruð því ekki bundin.. Engin spurning að gera þetta upp á að fá fleiri tilboð og ég get lofað ykkur því að þessir menn eru að fara að fá miklu betri samning fyrir ykkur en þið sjálf getið gert.. Ekki sniðugt að vera i þessu sjálfur og tala ég af reynslu..

Endilega skrifið mér
Hrabba umbi

Crazy............

2007-01-24T12:16:00.000Z

Er að spá í að leggja skóna á hilluna, allavega næstu 10 dagana.. Er ekki að meika að vera að missa af leikjum út af einhverjum æfingum (á eftir útaf lyftingumog hoppæfingu, eins og ég sé ekki lang sterkust fyrir).. Er að verða crazy yfir þessu.. Og ekkert smá mikilvægur leikur í kvöld.. Með sigri erum við komin með annan fótinn í 8 liða.. Eins gott að strákarnir séu komnir niður á jörðina aftur eftir glæsilegan sigur á Frökkum.. Ég vissi að þeir myndu vinna og var alveg örugg strax í stöðunni 3-0..

Og talandi um að vilja sjá leikina þá er ég að deyja yfir því að geta ekki bara brunað yfir landamærin.. Eivor, Dagný og Drífa eru þarna í stuði ásamt öðru frábæru fólki (Sveilinni, Gústu og fl.).. Ég sendi nú reyndar sms til þjálfarans eftir Frakkaleikinn: "Ísland rústaði Frökkunm. Farin til Þýskalands sjáumst á föstudaginn.." Var ekki alveg í boði.. Það er eins gott að ég hoppi allavega hærra en flest ykkar eftir daginn í dag.. Og mikið gífurlega verður gaman hjá mér á þessari æfingu..

Búin með 1 seríu í 24.. Vá hvað ég er enn að jafna mig eftir síðasta þáttinn.. Byrjuð á Greys og fæ síðan aðra og þriðju seríu af 24 um helgina ásamt Mola litla sem ætlar að vera hjá okkur á meðan foreldrarnir fara í leiðindin til Dortmund..

Áfram Ísland
Hrabba

Áfram Ísland..

2007-01-21T23:45:00.002Z

Rosalega er ég svekkt yfir þessu tapi á móti Úkraínu en enn svekktari er ég yfir íslenskum íþróttafréttmönnum sem fá neikvæðisbikar ársins 2007 fyrir þennan eina dag.. Allir búnir að ákveða það að við komumst ekki áfram og ótrúlegustu orð verið skrifuð og sögð.. Sakna gamla góða Íslendingsins sem trúir á allt.. Við vitum öll að þegar strákarnir spila vel þá geta þeir unnið öll lið hvort sem það eru evrópu, heimsmeistarar eða Svíar.. Og við skulum ekki gleyma því að ef við vinnum Frakka á morgun þá skiptir leikurinn við Úkraínu engu máli og við erum komin í milliriðla með 2 stig.. Já ég hef trú á strákunum og held að þeir eigi fína möguleika á morgun.. Þeir eiga eftir að koma brjálaðir til leiks og Óli Stef á eftir að vera svakalegur. Held að þetta verði annaðhvort eða.. Ef þeir byrja illa þá held ég að allt hrynji og þeir skíttapa en ef þeir byrja vel held ég að við eigum mjög góða mögueika á að vinna.. Hjálpar líka alltaf smá að þetta er upp á líf eða dauða fyrir okkur á meðan Frakkarnir eu alltaf öruggir í milliriðla og þeir eiga eftir að fara auðveldlega í gegnum þá þótt þeir fari ekki með stig í þá..
Ég hef allavega trú á strákunum og veit að margir aðrir hafa líka trú á þessu (fyrir utan íþróttafréttamennina)..

Vorum hjá Beggu og Bjarna áðan í mjög góðu yfirlæti.. Beggan mín orðin húsmóðir dauðans.. Átum nánast non stop í 4 klukkutíma og ekki nóg með það að þá fegum við nesti með heim til að taka í vinnuna á morgun.. Þarf ekki að borða allan daginn á morgun er með svo mikin forða.. Já ég mæli með heimsókn til Beggu og Bjarna.. Ætluðum að horfa á leikinn á netinu sem var svo ekki hægt þar sem við búum erlendis (þið getið rétt ímyndað ykkur svekkelsið) þannig að við þurftum að hlusta á neikvæðustu íþróttafréttalýsingu allra tíma.. Við erum sem sagt núna að athuga alla möguleika á því að ná þessu á netinu einhvern vegin og ef einhver veit um lausn þá gjörið svo vel að commenta..

Af Jack Bauer er annars það að frétta að hann er nær dauða en lífi í augnablikinu en það er eitthvað sem segir mér að hann muni lifa af þar sem ég er að horfa á 1.seríu.

Hrabban kveður með óbilandi trú á "strákunum okkar"..

nýtt nýtt.. Þekkir þú fræga fólkið??????

2007-01-17T19:26:00.000Z

Vísbending eitt: Gata er nefnd eftir honum í Teenesse í Bandaríkjunum.

Tvö: Hann vann barna söngkeppni og sló þar met í að halda tóninum, í rúmar 12 sekúndur..

Þrjú: Hann er frekar nýr í bransanum.. (Ég þekkti hann fyrst fyrir svona 2 árum)..

Þið hefðuð getað unnið rúmar 30 þúsund krónur í útvarpinu í morgun með rétt svar..

Frábær helgi...

2007-01-15T21:58:00.000Z

Alltaf æðislegt að fá fríhelgar og helgin frábær.. Borðuðum rosalegan mat á laugardaginn, tacolokur í hádeginu, geðveikar nautalundir í kvöldmat og að sjálfsögðu marengs í eftirrétt.. Spiluðum svo auðvitað og slöppuðum af..

Nú erum við dottin í 24 þættina.. Höfum aldrei séð þessa þætti og erum því að byrja á fyrstu seríu.. Snilldarþættir og þvílíkt sátt að eiga þetta eftir.. Og ekki nóg með það þá er ég ekki heldur byrjuð á Greys og er komin með alla þá þætti.. Er búin að vera tæpar 3 vikur að ná í 1.seríu.. Mikil tilhlökkun að byrja þeim..

Setti inn nokkrar myndir á myndasíðuna frá jólunum.. Er ekki búin að vera nógu dugleg þar en það tekur svo geðveikt langan tíma að setja inn myndir þar..

Farin í 24
Hrabba

SIGUR............

2007-01-12T00:26:00.000Z

Og það langþráður.. Unnum Esbjerg mjög sannfærandi með 10 mörkum og nú verðum við bara að halda áfram á sömu braut.. Fengum loksins að spila 3-3 vörnina okkar sem gekk svona líka vel og nú fáum við vonandi að spila hana meira.. Ótrúlegt (en samt ekki)hvað skapast oft miklu meiri stemning í svona framliggjandi vörn þar sem kontaktinn er mikill..

Vá hvað ég hef samt lítið að segja nú orðið, er í tómu basli með að halda þessari bloggsíðu gangandi.. Ég þarf að fara að finna upp á einhverju nýju þema sem ég get eytt í nokkrar færslur.. Ef einhverjum dettur eitthvað sniðugt í hug þá endilega komið með tillögur...

Fríhelgi framundan og er feðinni heitið til Holstebro.. Það þarf nú engan snilling til að geta sér til um hvað þar verður brallað.. Cooks (uppáhalds matsölustaðurinn minn), ætlum að elda geðveikan mat, spila, spila, spila og "hugga" okkur alla helgina..

Klukkan að verða 02.00 og ég á að vakna eftir 5 klukkutíma þannig að ég held að það sé komin tími til að kíkja a augnlokin..

Kveðja
Hrabba

Karnivalið búið..

2007-01-08T21:15:00.000Z

Já heil helgi sem fór í afmæliskarnival fyrir prinsessuna.. Veisla fös,lau og sun og Viktoría auðvitað rosalega sátt við allt saman.. Stelpurnar í bekknum hennar voru hérna í gær og leist þeim svo rosalega vel á húsið og herbergið hennar Viktoríu að ein þeirra spurði mig í fullri alvöru hvort að hún mætti ekki bara flytja til okkar og neitaði stelpugreyið harðlega að fara heim til sín og sagði bara: "Þið getið ekki þvingað mig til að fara heim".. Bara krútt..

Að frétt dagsins: 25 ára maður skaut fyrrum sambýliskonu sína (23 ára) í gærkvöldi með afsagaðri haglabyssu.. Maðurinn sem er nýbúinn að sitja inni vegna tilraunar til dráps á sömu konu slapp út úr fangelsi í gær og fer beint og drepur hana.. Veit ekki hvenær fólk ætlar að verða jafn gáfað og ég og fara að koma á dauðarefsingum.. Frábært að vita að þessi gaur eigi eftir að koma út í samfélagið aftur og finna sér jafnvel nýja konu sem hann getur fargað.. Splæsa á hann snúru, einfalt og ódýrt..

Var líka í fréttunum í dag að nú er verið að dæma í máli manns sem drap fyrrum konu sína og börnin sín tvö sem voru 4 og 6 ára.. Kyrkti konuna fyrst og þá kom dóttirin inn í herbergið.. Stakk hana og skar hana á háls og fór svo fram og kyrkti strákinn.. Og helv... kallinum tókst ekki einu sinni að drepa sjálfan sig.. Aumingi sem vonandi á eftir að hljóta hræðilga meðferð í fangelsi og drepast svo.. Skil ekki hvernig er hægt að vorkenna þessu fólki.. Vorkenni bara ættingjunum þeirra að vera skyldir þeim..

Þetta er það eina sem ég styð Bush í..

Ætla að fara að ná mér niður í brálæðiskastinu.. (Þessi grein á ekki eftir að koma mörgum á óvart, ég breytist aldrei)...

Hrabba crazy

Viktoría 6 ára

2007-01-05T19:50:00.000Z

Viktoría Dís á afmæli í dag. Litla skvísan er orðin 6 ára. Til lukku með það! En Hrabba er einmitt að halda eina veisluna af þremur núna í þessum töluðum orðum. Veisluóða Hrebs klikkar ekki á þessu! Ég skil ekki útaf hverju hún opnar ekki veisluþjónustu.....væri ekki svo galin hugmynd! Ég myndi allavega ráða hana á nóginu:)
Ég bruna einmitt til þeirra á morgun, þá er íslendingarveislan. Alltaf gaman að hittast svona í útlandinu.....tala nú ekki um þar sem kellan er búin að vera ein í kotinu í nokkra daga. Jiiii.... hvað er erfitt að lúlla svona ein heima, vantar bæði karlinn og Mola litla. Mín er búin að vera svolítið smeik undanfarnar nætur, ég sef með kveikt ljós í allri íbúðinni og með kveikt á tölvunni upp í rúmi. Það er óhætt að segja að ég sé að kynna mér piparsveinalíferni.... við erum að tala um það að ég hef ekki nennt að vaska upp í nokkra daga og það liggja nammibréf og kókdósir um alla íbúð....mjög töff! Og ég sem ætlaði að vera svo dugleg að taka allt í gegn.

Jæja þetta er fínt í bili.

Kveðja Dagný

2007..... Gleðilegt nýtt ár..

2007-01-02T22:42:00.000Z

Og takk fyrir það gamla.. Það er stórt og mikið ár sem hafið er.. Kellan verður þrítug (hvað er það), Vikkinn minn verður líka þrítugur og karl faðir minn verður fimmtugur.. Þið getið rétt ímyndað ykkur veisluna sem verður hjá honum Skúla (einmitt, get lofað ykkur því að hann á eftir að flýja land).. Hins vegar get ég lofað því að það verður haldið upp á öll stórafmæli hjá mér (kemur kannski fæstum á óvart)..

Já en nýja árið byrjaði ekki alveg eins og á var kosið.. Hann Davíð okkar var stunginn í miðbæ Köben á gamlárskvöld eða nótt.. Það þarf nú varla að taka fram hvaða fifl voru þar að verki.. Þið viljið kannski geta ykkur um hvaðan líðurinn kemur???? Svo eru þessi fífl að væla í sjónvarpinu að það sé svo erfitt fyrir þá að komast inn á skemmtistaði, það vilji enginn hleypa þeim inn (hér getið þið séð þá væla)... HUmmmm skrítið.. Ekki myndi ég vilja fá þetta pakk inn á skemmtistaðinn minn.. En að honum Davíð mínum, hann slapp nú ótrúlega vel þar sem hann var stunginn í mjöðmina og beinið kom í veg fyrir djúpa stungu (sennilega verið mjög þægilegt).. Hann var sem sagt saumaður og með einhverja aðra áverka.. Það má líka taka það fram að hann var að bjarga lífi dyravarðar sem verið var að stúta fyrir utan skemmtistaðinn hans (voru tvo stunguför í vestinu hjá honum en það er skilda að vera í vestum sem dyravörður).. Ef þið viljið sjá fréttina þá er hún hér

En að einhverju skemmtilegu.. Árið 2007 ætla ég:

-halda þrjár afmælisveislur fyrir Viktoríu (afmæli föstudag, laugardag og sunnudag).

-að halda Klaufarpartý hérna í Dene.. Er byrjuð að skipuleggja nokkuru dag partý og geri ég fastlega ráð fyrir mætingu hjá Sævari og Sóley (sem eru alltaf tímanlega og eiga eflaust eftir að koma fyrst), Sibbu og Einari, Rúnari Gauta sem mætir með matinn (sponsaður af KFC) og auðvitað bara sem flestum.. Ég á nú eftir að setja mig í samband við liðið en það gerist innan bráðar..

-reyna að komast í 50 ára afmælið hjá pabba sem verður sennilega á Tyrklandi (hann á ekki afmæli á besta handboltatímanum)..

-verða 30 ára og að sjálfsögðu með pompi og pragt..

-hjálpa Viktori í gegnum erfiða tíma þegar hann verður þrítugur (honum gæti ekki verið meira sama)..

-og fleira og fleira og fleira..............

Verð að fara í háttinn..
Hrabba

Hahaha.....

2006-12-26T01:42:00.000Z

Viktoría sendir ykkur dansandi jólakveðjur.. Tékkið á þessu...... http://www.elfyourself.com/?userid=872a78f6d731806c5064aa1G06122402

Sorry tölvan eitthvað að stríða mér þannig að þi verðið a copy paste.. En ég lofa ykkur að það er þess virði..

Jólakvejur
Hrabba

Þyrnirós spyr....

2006-12-18T22:37:00.000Z

Á að hleypa anorexíusjúklingum inn í líkamsræktarstöð????? Tvö síðustu skipti í ræktinni er ég búin að sjá eina konu og eina stelpu sem voru ekki mikið meira en 30 kíló (Viktoría myndi rústa þeim í bekkpressu).. Þetta er rosalegt að sjá þetta og hverjum dettur í hug að hleypa þeim inn.. Rosalega langaði mig til að senda þær heim.. Beið eftir að ég þyrfti að blása í þær lífi.. Það er ekki hægt að lyfta á beinum einum saman og hverju eru þær að reyna að breyta í vöðva.. Eina sem getur gerst er að það stoppi hreinlega í þeim hjartað við áreynslu.. Þetta hlýtur að vera stór hættulegt.. Það er alltaf verið að banna sterasjúklinga á þessum stöðum og svo er 30 kílóunum hleypt inn sem eru ekki búnar að borða matinn sinn í mörg ár... Ég er ekki að skilja þetta..

Julefrokostinn hjá liðinu síðustu helgi var frábær.. Hrabban tók á því (annað skiptið á árinu) og áttum við Begga nokkur góð move þetta kvöldið.. Tókum Tinu Turner við mikinn fögnuð viðstaddra.. Við tókum líka "Það var lagið" leik og komumst að því að Daninn þekkir ekki Pixies og ekki útlendingarnir í liðinu heldur.. Vorum með Hey lagið sem allir þekkja og átti það nú að vera algjörlega skothelt en nei nei þær héldu bara að við værum að koma með frumsamið lag.. Misstum gjörsamlega andlitið.. Einn vitleysingurinn í liðinu tókst að gera á mig tvo sogbletti sem ég er búin að vera með alla vikuna.. Mjög töff að vera 29 ára með sogbletti og þið getið rétt ímyndað ykkur hvað Viktor var glaður með þetta.. Lítur næstum því verra út fyrir hann en mig..

Rebekka og Bergur komu svo á þriðjudaginn og voru til föstudagsmorgun.. Frábært að hafa þau og var mjög mikið spilað að vanda..

Man ekki meir
Hrabba

Vöknuð..

2006-12-11T21:45:00.000Z

Já enda komin 11.des.. Veit ekki hvað gengur að mér í þessum bloggskrifum.. Er eitthvað voða lítið í tölvunni þessa dagana..

Ferðasagan frá Rúmeníu var aldrei komin og ég er eiginlega ekki að nenna að skrifa hana þannig að ég kem bara með stikkorð:

-Ferðalag dauðans til Rúmeníu.. Lögðum af stað kl.5 um morguninn og vorum komnar á hótelið í Rúmeníu um 6 næsta morgun eftir verstu rútuferð ever.. 10 gráðu frost inni í rútunni alla leiðina (tæpir 4 tímar), stigum bláar út úr þessari blessuðu rútu.. 3 flug og hópnum skipt í tvennt þannig að við vorum bara 7 saman en góður hópur og náðum við að gera ferðalagið eins gott og það gat orðið..
-Brúnt vatn fyrstu tvo dagana bæði í vaskinum og sturtunni.. Æðislegt að sturta sig í þessu.. Hef aldrei notað jafn mikið af kremum eins og eftir sturtu þarna..
-Var með Evu Margréti í herbergi.. Frábær roomy.. Takk fyrir ferðina enn og aftur elskan..
-Var ekki hægt að sturta niður í klósettinu fyrr en síðustu tvo dagana (þetta voru átta dagar).. Ef maður hefði verið aðeins klikkaðri þá hefði ég skitið í poka og sett hann ofan á helv... klósettið.. Vá hvað ég var orðin pirruð á þessu..
-Geltandi lausir hundar út um allt og sérstaklega margir fyrir utan hótelið og allan sólarhringinn..
-Keyrðum framhjá dauðum hesti alla 8 dagana.. Lá saman krumpaður fyrir utan veginn á leiðinni í höllina.. Og liggur pottþétt þarna ennþá..
-Fengum þurrt og bragðlaust kjöt og kartöflur í allar máltíðir og ENGA SÓSU.. Hefði næstum getað drepið fyrir spaghettí og kjötsósu (eða bara tómatsósu)..
-Fórum í moll dauðans.. Ekki oft þar sem engin nær að kaupa neitt.. Nema jú ég keypti tvo spilastokka til að láta tímann líða í mollinu..
-Leikina þarf ég ekki að minnast á þar sem allir eiga auðvitað að lesa Fréttablaðið.. Dagur blaðamaður var með í för og vann vinnuna sína vel..
-Banket sem við þurftum að yfirgefa fyrir aðalréttinn vegna þess að við þurftum að fara heim.. Rútuferð dauðans tók við.. Tæpir 4 tímar í 50 gráðum.. Hélt ég myndi andast.. Það er bara annaðhvort í ökkla eða eyra..

Þótt mjög margir punktarnir séu ekki jákvæðir þá var þetta samt hin fínasta ferð.. Alltaf gott að vera í góðum hópi og yfirleitt mikið hlegið í þessum ferðum.. Svo er líka alltaf skemmtilegast að spila í bláu eða rauðu treyjunum..

Já þá er Rúmenía afgreidd.. Næst tek ég helgina... Julefrokost hjá liðinu sem var algjör snilld..

Kveðja
Hrabba